Ստորև ներկայացված քայլերն անհրաժեշտ է կատարել «Շարունակել» կոճակը սեղմելուց հետո։

• Անցնել «ԵսԵմ» նույնականացում,
• մուտք գործելուց հետո անցնել էկրանի ձախ կողմում բացված «Իմ գործերը» բաժնի «Քաղաքացիական» ենթաբաժինը,
• ընտրել «Ավելացնել» կոճակը, 
• համապատասխան դատարանն ընտրելուց հետո շարունակել հերթականությամբ լրացնել Հայցվորի, Պատասխանողի, Երրորդ անձի և իրավասու անձի տվյալները (եթե առկա են),
• երկրորդ քայլով ներկայացնել հայցադիմումի նկարագիրը,
• երրորդ քայլով ներկայացնել փաստ կամ իրավական հիմք՝ անհրաժեշտության դեպքում կցել ապացույցներ։
• չորրորդ քայլով լրացնել պահանջի բովանդակությունը,
• հինգերորդ քայլով ներկայացնել միջնորդություն, եթե անհրաժեշտ է,
• վճարել սահմանված պետական տուրքը e-payments համակարգով,
• վեցերորդ քայլով հնարավոր է խմբագրել հայցադիմումը, որը ինքնաշխատ կերպով գեներացվել է համակարգի կողմից,
• յոթերերդ քայլով անհրաժեշտ է ներբեռնել պատրաստի դիմումը, այնուհետև վերբեռնել և սեղմել «Ավարտել» կոճակը։

Ներկայացվող պահանջները

Առցանց եղանակով հայցադիմում կամ միջնորդություն հնարավոր է ներկայացնել առաջին ատյանի ընդհանուր իրավասության դատարաներ միայն քաղաքացիական բնույթի գործեր քննելու համար։

Պահանջվող փաստաթղթեր

• Հայցադիմումի փաստական և իրավական հիմքերին կցված ապացույցներ (ֆայլերով վերբեռնում),
• անհրաժեշտության դեպքում՝ միջնորդություններ և դրանց կցված փաստաթղթեր,
• պետական տուրքի վճարումը հավաստող ծածկագիր։

Վճարման չափը և կարգը

Վճարումն իրականացվում է հետևյալ եղանակներից մեկով՝ 

• E-payments համակարգի միջոցով,
• բանկային փոխանցման միջոցով ՀՀ պետական բյուջեի հաշվեհամարին՝ 900005016010 (եթե բանկային հավելվածում չի ստացվում փոխանցում կատարել այս հաշվեհամարին, ապա խնդրում ենք ընտրել «Փոխանցում պետական բյուջե» տարբերակը)։
• Վճարման չափը տարբեր է, սկսած 1,500 դրամից՝ կախված դեպքից։

Ուշադրություն

Հայցվորը կարող է հետաձգել վճարումը՝ սեղմելով «Ներկայացնել միջնորդություն պետական տուրքի վճարումը հետաձգելու կամ դրա չափը նվազեցնելու վերաբերյալ» կոճակը։

Տրամադրման ժամկետը և կարգը

• Առցանց դիմելու գործընթացը տևում է 10-15 րոպե։
• Հայցադիմումի ընդունման կամ մերժման վերաբերյալ որոշման հրապարակման ժամկետը տարբեր է՝ կախված դատավարության և գործի բնույթից։ Այդ մասին կտեղեկցավի ծանուցման միջոցով։

Հղում օրենսդրությանը 

• ՀՀ քաղաքացիական օրենսգիրք
• Պետական տուքի մասին ՀՀ օրենք

Իրավական ակտերը հնարավոր է գտնել arlis.am-ում։