Ստորև ներկայացված քայլերն անհրաժեշտ է կատարել «Շարունակել» կոճակը սեղմելուց հետո։


Առցանց դիմելու համար անհրաժեշտ է՝

• բացվող էջում ընտրել «ԵԱՏՄ քաղաքացի» տարբերակը,

• մուտքագրել հանրային ծառայությունների համարանիշը (օտարերկրացին պարտադիր պետք է գրանցված լինի ՊԵԿ-ում, որտեղ արտացոլվում է վերջինիս վճարված հարկերն ու տուրքերը) և հաստատել,

• անցնել նույնականացում և ստեղծել օգտահաշիվ՝ կցելով լուսանկար, անձը հաստատող փաստաթուղթ և աշխատանքային պայմանագիր։
  
  

Ներկայացվող պահանջները

Կացության կարգավիճակ ստանալու համար անհրաժեշտ է՝

• լինել ԵԱՏՄ անդամ պետություններից որևէ մեկի քաղաքացի,

• ունենալ ՀՀ-ում գրանցված ընկերության հետ կնքված աշխատանքային պայմանագիր։
  
  

Պահանջվող փաստաթղթերը

Տեղեկանքը ստանալու համար անհրաժեշտ է ներկայացնել՝

• 3,4 x 4,5 չափսի գունավոր լուսանկար,

• անձնագրի գունավոր պատճենը, 

• երկկողմանի ստորագրված աշխատանքային պայմանագիր։ 
  
  

Վճարման չափը և կարգը

Տեղեկանքը տրամադրվում է անվճար։

Տրամադրման ժամկետը և կարգը

Դիմումներն ընդունվում են առցանց եղանակով՝ 24/7 ռեժիմով։ Բնակության օրինականությունը հավաստող տեղեկանքը տրամադրվում է 30-օրյա ժամկետում (եթե չի պահանջում լրացուցիչ ուսումնասիրություն)։

Տեղեկանքը տրամադրվում է՝ կախված կնքված աշխատանքային պայմանագրում առկա ժամկետից (1 տարվա դեպքում՝ 1 տարի, 5 տարվա դեպքում՝ 5 տարի, անորոշ ժամկետով պայմանագրի  դեպքում՝ 1 տարի)։

Հղում օրենսդրությանը

• «Օտարերկրացիների մասին» ՀՀ օրենք
• ՀՀ կառավարության 2021 թվականի դեկտեմբերի 12-ի N 2087-Ն որոշում 

Իրավական ակտերը հնարավոր է գտնել arlis.am-ում։