Դիմելու համար անհրաժեշտ է

Շինարարական թույլտվության հիման վրա սկսկված աշխատանքների մասին տեղեկացնելու համար պետք է ֆիզիկապես դիմել Երևանի քաղաքապետարան։

Պահանջվող փաստաթղթերը

• լրացված տեղեկանքը (տեղեկանքի ձևը տրամադրվում է քաղաքպետարանի կողմից),
• իրավաբանական անձինք ներկայացնում են իրավաբանական անձի պետական գրանցման քաղվածքը,
• անձնագիր (ներկայացուցչի դեպքում՝ նաև լիազորագիր)։

Ծառայության տրամադրման կարգը և ժամկետը

Տեղեկանքում անհրաժեշտ է լիարժեք նշել տեղեկություններ շինարարությունն իրականացնող կապալառու կազմակերության, տեխնիկական և հեղինակային հսկողություն իրականացնողների մասին։

Տեղեկանքը ներկայացնելուց հետո այն ընդունվում է ի գիտություն, և այդ մասին Երևանի քաղաքապետարանը եռօրյա ժամկետում գրավոր տեղեկացնում է նաև ՀՀ քաղաքաշինական պետական կոմիտեին` կցելով տեղեկանքի պատճենը։

Եթե հաստատված ընթացակարգով սահմանված ժամկետներում չի ներկայացվում տեղեկանքը, ապա դա հիմք է՝ տրված շինարարության թույլտվության գործողությունը Երևանի քաղաքապետարանի կողմից ժամանակավորապես կասեցնելու համար:

Եթե շինարարության ընթացքում փոփոխվում են շինարարության (կամ քանդման) թույլտվության և (կամ) Տեղեկանքով նախկինում ներկայացված տվյալները, ապա Կառուցապատողը պարտավոր է նույն ձևաթղթով 5-օրյա ժամկետում Երևանի քաղաքապետարանի «Մեկ Պատուհան» մուտքագրել փոփոխված տեղեկատվությանը վերաբերող համապատասխան Տեղեկանքը:

Հղում օրենսդրությանը

ՀՀ կառավարության 2015 թվականի մարտի 19-ի N 596-Ն որոշում

Որոշումը հնարավոր է գտնել arlis.am հարթակում։