Ինչպե՞ս դիմել

Սահմանափակ քանակությամբ ապրանքների ներմուծման մեկանգամյա կամ գլխավոր լիցենզիա ստանալու համար անհրաժեշտ է պահանջվող փաստաթղթերը ներկայացնել ՀՀ էկոնոմիկայի նախարարություն։

Ուշադրություն

• Փաստաթղթերը պետք է հաստատված լինեն դիմում ներկայացնողի ստորագրությամբ։
• Կախված ներմուծման հաճախականությունից՝ լիցենզիան կարող է լինել 2 տեսակի՝ գլխավոր և մեկանգամյա։
• Ապրանքների ցանկը ներկայացված է ուղեցույցում։

Ներկայացվող պահանջներ

Լիցենզիա ստանալու համար անհրաժեշտ է․

• լինել ՀՀ-ում գրանցված կամ հաշվառված իրավաբանական անձ կամ անհատ ձեռնարկատեր,
• չունենալ կասեցված գործունեություն սննդամթերքի անվտանգության կամ մրցակցային օրենսդրության խախտումների պատճառով։
  
  

Պահանջվող փաստաթղթեր և տվյալներ

Լիցենզիա ստանալու համար անհրաժեշտ է ներկայացնել․

• ուղեկցող գրություն՝ նշելով կազմակերպության տվյալները (հասցե, ՀՎՀՀ, պետական գրանցման համար, էլեկտրոնային փոստի հասցե, հեռախոսահամար),
• դիմում (տրամադրվում է տեղում),
• գլխավոր լիցենզիայի դեպքում՝ պայմանագրի կամ կողմերի մտադրությունների մասին վկայող այլ փաստաթղթի պատճեն, 
• մեկանգամյա լիցենզիայի դեպքում՝ հաշիվ-ապրանքագրի պատճեն,
• պետական տուրքի վճարման անդորրագիրը կամ 20-նիշանոց ծածկագիրը։  
• նոր տնտեսվաորղների համար Պետական եկամուտների կոմիտեի կողմից տրամադրված տեղեկանք տվյալ ապրանքային շուկայում առնվազն 1 տարվա գործունեության մասին։
  
  

Տրամադրման ժամկետ և կարգ

• Լիզենզիան տրամադրվում է դիմումն ու անհրաժեշտ փաստաթղթերի փաթեթը ներկայացնելուց հետո 16 աշխատանքային օրվա ընթացքում։
• Թերի փաստաթղթերի դեպքում տրամադրվում է 2 աշխատանքային օր դրանք շտկելու համար։

Հղում օրենսդրությանը

• ՀՀ կառավարության՝ 2025 թվականի հուլիսի 3-ի N 904-Ն որոշում
• Պետական տուրքի մասին ՀՀ օրենք

Իրավական ակտերը հնարավոր է գտնել arlis.am-ում (անհրաժեշտ է կարդալ ակտերի վերջին տարբերակները)։