Ֆիզիկապես ուղետոմս գնելու տարբերակները

1․ Տրանսպորտային քարտի ձեռքբերում հետևյալ վայրերից․

• Երևանի մետրոպոլիտենի դրամարկղերից կամ մետրոպոլիտենի կայարաններում տեղադրված TelCell վճարային տերմինալներով,
• Երևանի զբոսաշրջային տեղեկատվական կենտրոններում տեղադրված TelCell ինքնասպասարկման վճարային տերմինալներով՝ «Հանրապետության հրապարակ» մետրոկայարանի հարակից այգու սկզբնամասում (Նալբանդյան փ․, 2/1) և «Ֆրանսիայի հրապարակին կից (Բաղրամյան պ․, 2/5),
• TelCell-ի գրասենյակներից,
• վարչական շրջանի (թաղապետարան) գրասենյակներում տեղադրված TelCell վճարային տերմինալներով։

Ուշադրություն
Տրանսպորտային քարտ հնարավոր է ձեռք բերել միայն վերոնշյալ վայրերից, իսկ դրանք նախընտրելի ուղետոմսերով լիցքավորել հնարավոր կլինի ցանկացած TelCell վճարային տերմինալով կամ առցանց՝ Երևանի քաղաքապետարանի Տրանսպորտի կայքէջում։

Տրանսպորտային քարտ գնելու համար անհրաժեշտ է․

• անցնել էկրանի «Ուղետոմս» բաժին,
• ընտրել «Ստացեք տրանսպորտային քարտ» տարբերակը,
• մուտքագրել հեռախոսահամարը և 500 դրամ կանխիկ գումար (անհրաժեշտ է հաշվի առնել, որ վճարային տերմինալը մանրադրամ չի վերադարձնում), սեղմել «Վճարել» կոճակը,
• վերցնել տրանսպորտային քարտը, որից հետո հնարավոր կլինի այն լիցքավորել ուղետոմսերով։

2․ 150 դրամ արժեքով 1 ուղետոմսի գնում հետևյալ վայրերից․

• Երևանի մետրոպոլիտենի դրամարկղերից,
• ցանկացած TelCell վճարային տերմինալից։

1 ուղևորության համար նախատեսված տոմսը ցանկացած TelCell վճարային տերմինալով գնելու համար անհրաժեշտ է․

• անցնել էկրանի «Ուղետոմս» բաժին,

• ընտրել ծառայության տեսակը՝ «Մեկանգամյա»,

• մուտքագրել հեռախոսահամարը (լրացնելը պարտադիր չէ, սակայն այն նշելու դեպքում գործարքի առավելագույն սահմանաչափը գերազանցող մուտքագրված գումարը կփոխանցվի նշված հեռախոսահամարի հաշվին),

• մուտքագրել կանխիկ գումարը, սեղմել «Վճարել» կոճակը և վերցնել ուղետոմսը։

TelCell տերմինալի միջոցով գնված ուղետոմսը հնարավոր կլինի տեսնել նաև տվյալ հեռախոսահամարով գրանցված TelCell Wallet դրամապանակում։

Վճարման չափը և կարգը

Տրանսպորտային քարտի արժեքը 500 դրամ է․ անհրաժեշտ է վճարել համապատասխան TelCell տերմինալով գնումը կատարելիս, մետրոպոլիտենի դրամարկղերում կամ համապատասխան գրասենյակներում։

1 ուղետոմսի արժեքը 150 դրամ է։ Իսկ ուղետոմսերի գործող փաթեթներին հնարավոր է ծանոթանալ Երևանի քաղաքապետարանի Տրանսպորտի կայքէջում։