Ինչպե՞ս դիմել

Փոխհատուցում ստանալու համար «Շարունակել» կոճակը սեղմելուց հետո անհրաժեշտ է․ 

• մուտք գործել e-request.am հարթակ՝ լրացնելով էլեկտրոնային փոստի հասցեն և գաղտնաբառը,
• ընտրել «Ուղարկել դիմում, հարցում կամ բողոք» պատուհանի «Ուղարկել» կոճակը,
• բացվող էջում ընտրել համապատասխան տարբերակը,
• ուղարկել հայտ ՀՀ արտաքին գործերի նախարարություն։

Ներկայացվող պահանջները

Փոխհատուցում ստանալու համար կարող են դիմել ՀՀ քաղաքացիները, ովքեր․

• ունեցել են ՀՀ վերադարձի ուղիղ կամ տարանցիկ չվերթի տոմս, որը չեղարկվել է Մերձավոր Արևելքի ռազմական գործողությունների պատճառով,
• 2026 թվականի փետրվարի 28-ից մարտի 25-ն ընկած ժամանակահատվածում ՀՀ քաղաքացու անձնագրով գնված տոմսով վերադարձել են Հայաստան,
• ուսումնառության նպատակով գտնվել են Արաբական Միացյալ Էմիրություններում, Կատարում, Քուվեյթում կամ Իսրայելում և վերադարձել են վերը նշված ժամանակահատվածում։

Պահանջվող տվյալները

Հայտին կից անհրաժեշտ է ներկայացնել․

• ՀՀ քաղաքացու անձնագիր կամ նույնականացման քարտ,
• ընտանիքի՝ ՀՀ քաղաքացի հանդիսացող անդամի (ծնող, ամուսին, երեխա, քույր, եղբայր) համար դիմելու դեպքում՝ ընտանեկան կապը հավաստող փաստաթղթերը (ծննդյան վկայական, ամուսնության վկայական և այլն),
• այն ավիատոմսը, որով դեպի Հայաստան նախատեսված թռիչքը չեղարկվել է, կամ որը ենթարկվել է վճարովի փոփոխության,
• թռիչքի չեղարկումների վերաբերյալ ծանուցումներ,
• ՀՀ վերադարձի նոր գնված կամ լրացուցիչ վճարով փոփոխված ավիատոմսը,
• տոմսի ծախսերի վճարման անդորրագիր,
• ՀՀ բանկային հաշվեհամար,
  
• գրավոր համաձայնություն՝ հայտի հետ կապված տեղեկությունների համապատասխանությունը ստուգելու, այդ թվում՝ ՀՀ իրավասու մարմիններից և ավիաընկերություններից տեղեկություններ ստանալու եղանակով,
  
• ուսանողների դեպքում՝ համապատասխան ուսումնական հաստատությունում սովորելը հավաստող փաստաթուղթ։

Աջակցության չափը

• Յուրաքանչյուր անձի համար փոխհատուցման առավելագույն չափը 250,000 դրամ է։
• Եթե նոր ավիատոմսի արժեքը 250,000 դրամից պակաս է, փոխհատուցումը տրամադրվում է փաստացի վճարված գումարի չափով։

Տրամադրման ժամկետը և կարգը

Փոխհատուցումը տրամադրվում է հայտը լրացնելուց հետո մոտ 1 ամսվա ընթացքում։

Հղում օրենսդրությանը

ՀՀ կառավարության՝ 2026 թվականի ապրիլի 9-ի N 459-Ն որոշում

Իրավական ակտը հնարավոր է գտնել arlis.am-ում (անհրաժեշտ է կարդալ ակտի վերջին տարբերակը)։