Հայաստանի Հանրապետության զինանշան
Ծառայությունների
միասնական հարթակ
ԲԵՏԱ

Հարթակը մշակման փուլում է․ ձեր կարծիքը կօգնի մեզ բարելավել այն:

Արդարադատություն և օրենք

Ստանալ հյուպատոսական վավերացում

Հյուպատոսական վավերացումը փաստաթղթերում առկա ստորագրությունների և կնիքների իսկության հաստատումն է՝ ՀՀ դիվանագիտական ներկայացուցչություններում, հյուպատոսական հիմնարկներում կամ ՀՀ արտաքին գործերի նախարարությունում։

Այս ծառայությունը հասանելի է միայն ֆիզիկապես, մենք աշխատում ենք առցանց տարբերակի ստեղծման ուղղությամբ։
Ո՞վ կարող է դիմել
ՀՀ և օտարերկրյա քաղաքացիներ
Դիմելու տևողությունը
10 րոպե
Ծառայության արժեքը
5,000-15,000 դրամ
Տրամադրման տևողությունը
2 աշխատանքային օր

Հյուպատոսական վավերացում ստանալու համար անհրաժեշտ է այցելել ՀՀ արտաքին գործերի նախարարություն կամ օտարերկրյա պետությունում գտնվող ՀՀ հյուպատոսական հիմնարկներ՝ ներկայացնելով վավերացման ենթակա փաստաթուղթը և պահանջվող մյուս փաստաթղթերը։


Հյուպատոսական վավերացման ենթակա փաստաթղթեր

Արտաքին գործերի նախարարության կողմից վավերացման ենթակա են՝

  • ՀՀ պետական մարմինների, կազմակերպությունների և հիմնարկների կողմից տրված փաստաթղթերի բնօրինակները, դրանցից քաղվածքները և դրանց հիման վրա կազմված տեղեկանքները,
  • տեղական ինքնակառավարման մարմինների, դրանց ենթակայությամբ գործող կազմակերպությունների և հիմնարկների կողմից տրված փաստաթղթերի բնօրինակները, դրանցից քաղվածքները և դրանց հիման վրա կազմված տեղեկանքները,
  • ՀՀ նոտարական փաստաթղթերը,
  • ՀՀ հավատարմագրված օտարերկրյա պետությունների դիվանագիտական ներկայացուցչությունների կամ հյուպատոսական հիմնարկների կողմից տրված կամ հաստատված փաստաթղթերը և ակտերը:

Դեսպանության և հյուպատոսական հիմնարկի կողմից վավերացման ենթակա են՝
  • օտարերկրյա պետության իրավասու մարմնի կողմից հաստատված կամ կազմված փաստաթղթերը,
  • օտարերկրյա պետություններ ներկայացնելու համար ՀՀ արտաքին գործերի նախարարության կողմից վավերացված փաստաթղթերը:


Պահանջվող փաստաթղթերը

  • Սահմանված ձևի դիմում
  • Վավերացման ենթակա փաստաթղթի բնօրինակը
  • Վավերացման ենթակա փաստաթղթի լուսապատճենը
  • Պետական տուրքի վճարման անդորագիր


Վճարման չափը և կարգը

Փաստաթղթերի հյուպատոսական վավերացում ստանալու համար սահմանված պետական տուրքը ֆիզիկական անձանց համար 5,000 դրամ է, իսկ իրավաբանական անձանց համար՝ 15,000 դրամ։ 

Վճարումը կատարվում է տեղում (ՀՀ արտաքին գործերի նախարարությունում)։


Տրամադրման ժամկետը և կարգը

Փաստաթղթի վավերացումը կատարվում է դիմումն ընդունելու պահից 2 աշխատանքային օրվա ընթացքում։ Եթե կա լրացուցիչ ստուգումներ կատարելու անհրաժեշտություն, ապա ժամկետը կարող է երկարաձգվել նախարարություն դիմելիս՝ առավելագույնը 10, հյուպատոսական հիմնարկ դիմելիս՝ 15 աշխատանքային օրով:

Ուշադրություն
Նախարարությունում վավերացված փաստաթուղթը պետք է հետագայում վավերացվի այն երկրի դիվանագիտական ներկայացուցչությունում կամ հյուպատոսական գրասենյակում, որտեղ այն ներկայացվելու է։

ՀՀ-ում փաստաթուղթը ճանաչվում է նախարարությունում վավերացման պահից, իսկ օտարերկրյա պետության արտաքին գերատեսչության կամ նրա կողմից լիազորված այլ գերատեսչությունների կողմից վավերացված փաստաթուղթը՝ հյուպատոսական հիմնարկում վավերացվելուց հետո։


Հղում օրենսդրությանը

  • ՀՀ կառավարության՝ 2011 թվականի մարտի 24-ի N 286-Ն որոշում

Որոշումը հնարավոր է գտնել arlis.am-ում։

Տեխնիկական աջակցության համար՝
Աշխատանքային ժամեր` 
10:00 - 18:00
 
Հեռախոսահամար`
0-8000-2020
(+374) 010 58-59-80
Viber: (+374) 041 58-59-80
Ծառայության գծով աջակցության համար՝
Աշխատանքային ժամեր`
10։00 - 12:00 (բացի չորեքշաբթի օրվանից)
 
Հեռախոսահամար`
(+374) 060 62-00-00

WhatsApp, Viber
(+374) 055 62-01-11
Ծառայությունը մատուցող՝
ՀՀ արտաքին գործերի նախարարություն
[email protected]https://www.mfa.am
Այս էջը օգտակա՞ր էր