• լիազորողի անձը հաստատող փաստաթուղթ,
• լիազորված անձի անձնագրային տվյալներ,
• անշարժ գույքի նկատմամբ իրավունքների պետական գրանցման վկայականի լուսապատճեն,
• լիազորագրով տրվող լիազորությունների ցանկը,
• անհրաժեշտության դեպքում՝ այլ փաստաթղթեր,
• պետական տուրքի վճարման անդորրագիրը։

Այլ լիազորագրերի վավերացման համար անհրաժեշտ են՝

• լիազորողի անձը հաստատող փաստաթուղթ,
• լիազորված անձի անձնագրային տվյալներ,
• լիազորագրով տրվող լիազորությունների ցանկը,
• ավտոտրանսպորտային միջոցի տիրապետման, տնօրինման կամ օգտագործման լիազորագրի դեպքում՝ տրանսպորտային միջոցի սեփականության իրավունքների պետական գրանցման վկայական/գրանցման վկայագրի լուսապատճեն,
• անհրաժեշտության դեպքում՝ այլ փաստաթղթեր,
• պետական տուրքի վճարման անդորրագիրը։

Վճարման չափը և կարգը

Լիազորագրի վավերացման համար սահմանված է պետական տուրք։

Անշարժ գույքի տիրապետման, օգտագործման և տնօրինման իրավունքի լիազորագրերի վավերացման համար՝ 15,000 ՀՀ դրամ, այլ լիազորագրերի վավերացման համար՝ 30,000 ՀՀ դրամ։ 

Վճարումն իրականացվում է E-payments համակարգի միջոցով

• մուտք գործել e-payments.am էլեկտրոնային վճարման համակարգ,
• ընտրել «Հյուպատոսական ծառայություններ» բաժինը,
• «Նոտարական գործողություններ» բաժնից ընտրել «Անշարժ գույքի տիրապետման, օգտագործման և տնօրինման իրավունքի լիազորագրերի վավերացման համար» կամ «Այլ լիազորագրերի վավերացման համար» բաժինները,
• ընտրել քաղաքը,
• բացված էջում լրացնել անհրաժեշտ բոլոր տվյալներն ու վճարել։ 

• Լիազորագրի գործողության ժամկետը չի կարող 3 տարուց ավելի լինել:
• Եթե լիազորագրում ժամկետ չի նշված, ապա այն պահպանում է ուժը կնքման օրվանից 1 տարվա ընթացքում։
• Այն լիազորագիրը, որում նշված չէ նրա կնքման տարին ու ամսաթիվը, անվավեր է: 

Ուշադրություն

Վերալիազորման իրավունքով տրված լիազորագիրը նույնպես ենթակա է նոտարական վավերացման՝ օրենքով սահմանված կարգով: Սույն լիազորագիրը վավերացվում է հիմնական լիազորագիրը ներկայացնելու դեպքում և չի կարող ներառել հիմնական լիազորագրով վերապահվածից ավելի իրավունքներ: Վերալիազորման իրավունքով տրված լիազորագրի գործողության ժամկետը ևս չի կարող գերազանցել հիմնական լիազորագրի գործողության ժամկետը։

Հղում օրենսդրությանը

ՀՀ Քաղաքացիական օրենսգիրք։

Օրենսգիրքը հնարավոր է գտնել Arlis.am-ում։