ԲԵՏԱ

Հարթակը մշակման փուլում է․ ձեր կարծիքը կօգնի մեզ բարելավել այն:

Բիզնես և արդյունաբերություն

Ստանալ հիմնադրամների լուծարման պետական գրանցում

Հիմնադրամների լուծարման դեպքում պետական միասնական գրանցամատյանում կատարվում է լուծարման մասին տեղեկությունների գրառում։ 

Այս ծառայությունը հասանելի է միայն ֆիզիկապես, մենք աշխատում ենք առցանց տարբերակի ստեղծման ուղղությամբ։
Ո՞վ կարող է դիմել
Իրավաբանական անձ և ֆիզիկական անձ
Տրամադրման տևողությունը
Մինչև 21 օր
Հիմնադրամը լուծարելու մասին որոշում կարող է ընդունել միայն դատարանը` շահագրգիռ անձանց դիմումով:

Դատարանի կողմից հիմնադրամի լուծարման մասին որոշում ընդունելուց հետո հիմնադրամի հոգաբարձուների խորհուրդը նշանակում է լուծարման հանձնաժողով և սահմանում է լուծարման կարգը և ժամկետները:


Պահանջվող փաստաթղթերը

Հիմնադրամը լուծարման պետական գրանցման համար իրավաբանական անձանց պետական ռեգիստր է ներկայացնում`
  • դիմում,
  • իրավաբանական անձի մասնակիցների կամ դրա համար կանոնադրությամբ լիազորված իրավաբանական անձի մարմնի որոշումը լուծարման հաշվեկշիռը հաստատելու մասին,
  • լուծարման հաշվեկշիռ,
  • իր կողմից տեղեկանք` «Արխիվային գործի մասին» ՀՀ օրենքի պահանջների կատարման մասին (այն է՝ Այլ իրավաբանական անձանց լուծարման դեպքում լուծարային հանձնաժողովը կազմակերպում է լուծարվող կազմակերպության գործունեությամբ առաջացած անձնակազմին վերաբերող փաստաթղթերի առանձնացումը և հանձնումը պետական կամ համայնքային արխիվ:
  • դատարանի որոշում լուծարման հաշվեկշիռը հաստատելու մասին,
  • պետական տուրքի վճարումը հավաստող փաստաթուղթ:
 

Տրամադրման ժամկետը և կարգը

Գործակալությունը լուծարման գրանցում կատարելու մասին դիմում ստանալուց հետո` 1 աշխատանքային օրվա ընթացքում, հարցում է ուղարկում հարկային մարմին։ 

Հարկային մարմինները պատասխանում են հարցմանը այն ստանալու օրվանից հետո` 20 օրվա ընթացքում

Եթե լուծարման համար դիմած անձը փաստաթղթերի հետ ներկայացնում է նաև հարկային մարմնի տված տեղեկանք՝ պետական բյուջեի հանդեպ հարկերի և սոցիալական ապահովագրության գծով պարտավորությունների բացակայության մասին՝ տրված լուծարման հաշվեկշիռը հաստատելու օրը կամ ավելի ուշ, ապա հարցումը հարկային մարմին չի ուղարկվում
:

Հիմնադրամի լուծարումը համարվում է ավարտված, իսկ նրա գոյությունը դադարած՝ պետական գրանցման պահից:


Հղում օրենսդրությանը

  • «Իրավաբանական անձանց պետական գրանցման մասին» ՀՀ օրենք 
  • «Արխիվային գործի մասին» ՀՀ օրենք 
  • «Հիմնադրամների մասին» ՀՀ օրենք

Իրավական ակտերը հնարավոր է գտնել arlis.am-ում։

Տեխնիկական աջակցության համար՝

Աշխատանքային ժամեր`
10:00 - 18:00

Հեռախոսահամար`
0-8000-2020,
(+374) 010 58-59-80

Ծառայության գծով աջակցության համար՝

Աշխատանքային ժամեր՝

09։00-18։00

Հեռախոսահամար՝

(+374) 010 593935

Ծառայությունը մատուցող՝
ՀՀ արդարադատության նախարարություն
Այս էջը օգտակա՞ր էր