Վարկերի տոկոսադրույքների մասնակի սուբսիդավորման համար անհրաժեշտ է պահանջվող փաստաթղթերով դիմել բանկ։ Ծրագրին համագործակցող բանկերի վերաբերյալ տեղեկատվություն ստանալու համար զանգահարել Էկոնոմիկայի նախարարության թեժ գիծ՝ 81-40։ 

Ծախսերի մասնակի փոխհատուցման համար անհրաժեշտ է պահանջվող փաստաթղթերով դիմում ներկայացնել ՀՀ էկոնոմիկայի նախարարություն։

Ներկայացվող պահանջները 

Աջակցության ծրագրին կարող են դիմել․

• իրավաբանական անձինք,
• համայնքները (բայց միայն այն դեպքում, եթե նրանք արդեն չեն ստացել պետական սուբվենցիա, ֆինանսավորում այս նույն նպատակի համար),
• անհատ ձեռնարկատերերը,
• հատուկ խմբերը, որոնք կարող են ստանալ ավելի նպաստավոր պայմաններ՝ ցածր տոկոսադրույք և ավելի մեծ փոխհատուցում։

Ովքե՞ր են մնում հատուկ խմբի մեջ

• Զինվորական ծառայության ժամանակ հաշմանդամություն ձեռք բերած դարձած հիմնադիրներ/անհատ ձեռնարկատերեր,
• սահմանամերձ բնակավայրերում գործող տնտեսավարողներ,
• գյուղատնտեսության ոլորտում գործող կոոպերատիվներ։
  
  

Անհրաժեշտ փաստաթղթեր

Աջակցության ծրագիրից օգտվելու համար դիմումին կից անհրաժեշտ է ներկայացնել.

• պետական ռեգիստրի վկայական,
• անշարժ գույքի սեփականության իրավունքի վկայականի պատճեն,
• մեկից ավելի սեփականատերերի դեպքում, ապա նրանց համաձայնությունը ծրագրին մասնակցելու մասին՝ նոտարական վավերացմամբ,
• վերակառուցվող շենքի լուսանկարներ (միայն վերակառուցման դեպքում),
• ԱՔՌԱ վարկային պատմության զեկույց,
• հարկային պարտավորությունների վերաբերյալ տեղեկանք։
  
  

Առաջարկվող անասնաշենքերի մոդելներ

Ծրագիրն առաջարկում է 3 տարբեր չափի անասնաշենքերի մոդելներ՝

• փոքր մոդել - 20-25 գլուխ կենդանու համար, արժեքը՝ մինչև 30 մլն դրամ
• միջին մոդել - 40-45 գլուխ կենդանու համար, արժեքը՝ մինչև 46 մլն դրամ
• մեծ մոդել - 95-100 գլուխ կենդանու համար, արժեքը՝ մինչև 114 մլն դրամ
  
  

Աջակցության չափը ծախսերի մասնակի փոխհատուցում համար

Փոքր մոդելի անասնաշենքերի կառուցման դեպքում տրամադրվում է՝

• 15 միլիոն դրամ (50%),
• հատուկ խմբերին՝ 21 միլիոն դրամ (70%)։

Փոքր մոդելի անասնաշենքերի վերակառուցման դեպքում տրամադրվում է՝

• 7,5 միլիոն դրամ (25%),
• հատուկ խմբերին՝ 13,5 միլիոն դրամ (45%)։

Միջին մոդելի անասնաշենքերի կառուցման դեպքում տրամադրվում է՝

• 23 միլիոն դրամ (50%),
• հատուկ խմբերին՝ 32,2 միլիոն դրամ (70%)։

Միջին մոդելի անասնաշենքերի վերակառուցման դեպքում տրամադրվում է՝

• 11,5 միլիոն դրամ (25%),
• հատուկ խմբերին՝ 20,7 մլն դրամ (45%)։

Մեծ մոդելի անասնաշենքերի կառուցման դեպքում տրամադրվում է՝

• 57 մլն դրամ (50%),
• հատուկ խմբերին՝ 79,8 մլն դրամ (70%)։

 Մեծ մոդելի անասնաշենքերի վերակառուցման դեպքում տրամադրվում է՝

• 28,5 միլիոն դրամ (25%),
• հատուկ խմբերին՝ 51,3 միլիոն դրամ (45%)։
  
  

Աջակցության չափը վարկերի տոկոսադրույքների սուբսիդավորման համար

• Վարկի չափը - առավելագույնը համապատասխան մոդելի գնահատված ծախսերին
• տոկոսադրույք - 2% (ոչ հատուկ խմբերի համար)
• hատուկ խմբերի համար - 0% տոկոսադրույք
• վարկի մարման ժամկետը - մինչև 5 տարի
• մայր գումարի արտոնյալ ժամկետը - մինչև 1,5 տարի
  
  

Տրամադրման կարգը և ժամկետները

Փոխհատուցումը տրամադրվում է 3 փուլով՝

• Առաջին փուլ (30%) - փոխհատուցումը տրամադրվում է շինարարական/վերակառուցման աշխատանքներն ավարտելուց և մոնիթորինգի դրական եզրակացությունից հետո 15 աշխատանքային օրվա ընթացքում (ֆինանսական ոչ բավարար միջոցների դեպքում՝ 40 աշխատանքային օրվա ընթացքում)։
• Երկրորդ փուլ (40%) - փոխհատուցումը տրամադրվում է անասնաշենքը տեխնոլոգիական սարքերով ապահովելուց, շահագործման հանձնելուց, նախատեսված կենդանիների գլխաքանակի առնվազն 50%-ի առկայության և մոնիթորինգի դրական եզրակացությունից հետո 15 աշխատանքային օրվա ընթացքում (ֆինանսական ոչ բավարար միջոցների դեպքում՝ 40 աշխատանքային օրվա ընթացքում)։
• Երրորդ փուլ (30%) - Երկրորդ փուլի փոխհատուցումը ստանալուց 1 տարվա ընթացքում՝ երրորդ փուլի մոնիթորինգի արդյունքում, երբ անասնաշենքում առկա է նախատեսված կենդանիների գլխաքանակի առնվազն 90%-ը: Վճարումը կատարվում է 15 աշխատանքային օրվա ընթացքում (ֆինանսական ոչ բավարար միջոցների դեպքում՝ 40 աշխատանքային օրվա ընթացքում)։
  
  

Հղում օրենսդրությանը

ՀՀ կառավարության՝ 2025 թվականի ապրիլի 10-ի N 419-Լ որոշում

Որոշումը հնարավոր է գտնել arlis.am-ում (անհրաժեշտ է կարդալ ակտի վերջին տարբերակը)։