Օտարերկրյա պետություններում ապրող ՀՀ քաղաքացիների քաղաքացիական կացության ակտերի պետական գրանցումները իրականացնում են այդ պետություններում գտնվող ՀՀ հյուպատոսական հիմնարկները: 

Սակայն, եթե երեխայի ծնունդը գրանցել է օտարերկրյա պետությունը, ապա հայրության ճանաչման պետական գրանցումը կարող է կատարվել նաև ՀՀ-ում, եթե այլ բան նախատեսված չէ ՀՀ միջազգային պայմանագրերով:

Հայրության ճանաչման գրանցման ընթացակարգերը սահմանում են ՀՀ դեսպանությունները կամ հյուպատոսական հիմնարկները։ Անհրաժեշտ է կապ հաստատել համապատասխան դեսպանության կամ հյուպատոսական հիմնարկի հետ՝ ընթացակարգերի վերաբերյալ տեղեկություն ստանալու համար։