Հատուկ անձնագիրը փոխանակվում է՝

• ժամկետանց լինելու դեպքում,
• օգտագործման համար ոչ պիտանի լինելու դեպքում,
• կորցված լինելու դեպքում։

Պահանջվող փաստաթղթերը

Անհրաժեշտ է համապատասխան ՀՀ դեսպանություն կամ հյուպատոսական հիմնարկ ներկայացնել հետևյալ փաստաթղթերը․

• ՀՀ դեսպանության կամ հյուպատոսական հիմնարկի ղեկավարին ուղղված նամակ՝ ՀՀ նոր հատուկ անձնագիր ստանալու խնդրանքով,

• ազգային անձնագրի` նկարով, անձնական և վավերականության տվյալներով էջերի լուսապատճենները,

• 35 x 45մմ չափսի 2 լուսանկար,

• կորած կամ օգտագործման համար ոչ պիտանի հատուկ անձնագրի լուսապատճենը (առկայության դեպքում),

• պետական տուրքի վճարման անդորրագիրը։

Վճարման չափը և կարգը

• Երկարաձգելու, օգտագործման համար ոչ պիտանի հատուկ անձնագիրը փոխանակելու դեպքերում նոր հատուկ անձնագիրը տրամադրվում է անվճար։
• Կորցնելու դեպքում հատուկ անձնագիրը փոխանակելու համար անհրաժեշտ է վճարել 75,000 դրամ։ Վճարումն անհրաժեշտ է կատարել առցանց եղանակով։

Տրամադրման ժամկետը և կարգը

• Նոր հատուկ անձնագիրը տրամադրվում է 1 ամսվա ընթացքում։
• Անձնագիրը ստանալու համար անհրաժեշտ է այցելել այն դեսպանություն կամ հյուպատոսական հիմնարկ, որտեղ անձը դիմել է հատուկ անձնագիրը փոխանակելու համար։

Ուշադրություն
Նոր հատուկ անձնագիրը տրամադրվում է նույն վավերականության ժամկետով, ինչ եղել է կորցված կամ օգտագործման համար ոչ պիտանի անձնագիրը։

Հղում օրենսդրությանը

• «Օտարերկրացիների մասին» ՀՀ օրենք
• «Պետական տուրքի մասին» ՀՀ օրենք
• ՀՀ կառավարության՝ 2008 թվականի փետրվարի 7 N 134-Ն որոշում

Իրավական ակտերը հնարավոր է գտնել arlis.am-ում (անհրաժեշտ է կարդալ ակտերի վերջին տարբերակները)։