Ներկայացվող պահանջները

Դիմել կարող են այն ֆիզիկական և իրավաբանական անձինք կամ անհատ ձեռնարկատերերը, որոնք ջրհեղեղի արդյունքում կրել են ստորև նշված վնասները՝ ունենալով․

• մահացած կամ կորսված գյուղատնտեսական կենդանիներ, որոնք հաշվառված են համայնքների տնտեսությունների գրքերում (բացառությամբ ծիածանափայլ իշխանի մայրական կազմի, իսկ խոշոր եղջերավոր կենդանիների դեպքում վերջիններս պետք է գրանցված լինեն նաև «ԱՆԻ ՊԱՍ» էլեկտրոնային տեղեկատվական համակարգում), 
• մահացած կամ կորսված գյուղատնտեսական կենդանիներ, որոնք հաշվառված չեն համայնքների տնտեսությունների գրքերում (բացառությամբ խոշոր եղջերավոր կենդանիների և ծիածանափայլ իշխանի մայրական կազմի),
• տնամերձ կամ այլ հողամասում ոչնչացված, կորսված կամ վնասված 
• պտղատու ծառեր, հատապտղի թփեր ու ցանքատարածություններ, 
• տնամերձ հողամասում ոչնչացված, կորսված կամ վնասված պտղատու ծառեր, հատապտղի թփեր ու ցանքատարածություններ` հողամասի նկատմամբ սեփականության առկայության կամ բացակայության դեպքում (պետք է լինել հողամասի սեփականատերը կամ այն իրավական հիմքով շահագործողը)։

Պահանջվող փաստաթղթերը

Դիմում, որում պետք է ներկայացվեն իրավաբանական անձի, ֆիզիկական անձի կամ անհատ ձեռնարկատիրոջ վերաբերյալ տվյալներ։

Դիմումին կից անհրաժեշտ է ներկայացնել՝

• անձը հաստատող փաստաթղթի պատճենը, 
• ոչնչացված, կորսված կամ վնասված պտղատու ծառերի, հատապտղի թփերի ու ցանքատարածությունների դեպքում՝ անշարժ գույքի (հողամաս) նկատմամբ իրավունքի գրանցման վկայականի (առկայության դեպքում) պատճենը,
• անշարժ գույքի օգտագործումը հիմնավորող կամ այլ փաստաթղթեր՝ ըստ անհրաժեշտության։

Դիմումը ներկայացնելիս անհրաժեշտ է նաև նշել կրած վնասի տեսակը, բնակության կամ գտնվելու վայրը, հեռախոսահամարը, առկայության դեպքում՝ էլեկտրոնային փոստի հասցեն և բանկային հաշվեհամարը։

Աջակցության չափը

Աջակցության չափը հաշվարկում է համաձայն հետևյալ աղյուսակի։

Տրամադրման կարգը և ժամկետը

Դիմումի պատասխանը համայնքի կողմից 5 աշխատանքային օրվա ընթացքում կուղարկվի ներկայացված էլեկտրոնային փոստի հասցեին կամ բջջային հեռախոսահամարին։ 

Դիմումը հաստատվելուց հետո փոխհատուցվող գումարը առավելագույնը 10 աշխատանքային օրվա ընթացքում փոխանցվում է դիմողի բանկային հաշվեհամարին։ 

Հղում օրենսդրությանը 

• ՀՀ կառավարության՝ 2024 թվականի օգոստոսի 15-ի 1264-Լ որոշում

Որոշումը հնարավոր է գտնել arlis.am-ում (անհրաժեշտ է կարդալ ակտի վերջին տարբերակը)։