ԲԵՏԱ

Հարթակը մշակման փուլում է․ ձեր կարծիքը կօգնի մեզ բարելավել այն:

Աջակցության ծրագիր
Անշարժ գույք

Ստանալ սահմանամերձ համայքներում կոմունալ վճարումների աջակցություն

Ծրագրի շրջանակում յուրաքանչյուր տարի ՀՀ պետական բյուջեից գումար է հատկացվում սահմանամերձ 23 համայնքների 82 բնակավայրերի բնակիչներին բնական գազի, էլեկտրաէներգիայի և ոռոգման ջրի սակագնի մասնակի փոխհատուցման և անշարժ գույքի հարկի ամբողջական փոխհատուցման համար։ 

Այս ծառայությունը հասանելի է միայն ֆիզիկապես, մենք աշխատում ենք առցանց տարբերակի ստեղծման ուղղությամբ։

Ծրագրի մասին

 

Ծրագրի շրջանակում յուրաքանչյուր տարի ՀՀ պետական բյուջեից գումար է հատկացվում սահմանամերձ 23 համայնքների 82 բնկավայրերի /սահմանամերձ համայքների ցանկը ՀՀ Կառավարության 2014 թվականի դեկտեմբերի 18-ի N 1444-Ն որոշման հավելվածում/ բնակիչներին բնական գազի, էլեկտրաէներգիայի և ոռոգման ջրի սակագնի մասնակի փոխհատուցման և անշարժ գույքի հարկի ամբողջական փոխհատուցման համար։ 

 

Էլեկտրաէներգիա սպառող բնակիչ-բաժանորդներից հաշվարկային տարում գումարային մինչև 1440 կՎտ/ժ էլեկտրաէներգիայի քանակությունների համար վճարումները գանձվում են ՀՀ հանրային ծառայությունները կարգավորող հանձնաժողովի կողմից հաստատված սակագնից նվազեցված գնով` 50 տոկոսի չափով։ 

 

Բնական գազ սպառող բնակիչ-բաժանորդներից հաշվարկային տարում գումարային մինչև 360 խոր. մետր բնական գազի քանակությունների համար վճարումները գանձվում են ՀՀ հանրային ծառայությունները կարգավորող հանձնաժողովի կողմից հաստատված սակագնից նվազեցված գնով` 50 տոկոսի չափով։ Ընդ որում «Գազպրոմ Արմենիա» ՓԲԸ-ի բաժանորդ չհանդիսացող, սակայն «Հայաստանի էլեկտրական ցանցեր» ՓԲԸ-ի բաժանորդ հանդիսացող բաժանորդների համար էլեկտրաէներգիայի ծախս ունեցող ամիսներին տրամադրվում է 15 խոր. մետր, տարվա ընթացքում աճողական մինչև 180 խոր. մետր բնական գազի քանակության արժեքին համապատասխան գումար: 

 

ՀՀ Կառավարության կողմից ոռոգման ջրի փոխհատուցումը տրամադրվում է համապատասխան ջրօգտագործողների ընկերություններին սահամանմերձ բնակավայրերում ջրօգտագործողների ընկերությունների սպասարկման տարածքում գտնվող ֆիզիկական և իրավաբանական անձանց կողմից օգտագործված ոռոգման ջրի դիմաց տվյալ տարում գանձվող վարձավճարների 50 տոկոսի չափով: 

 

ՀՀ սահմանամերձ համայնքների բնակավայրերի վարչական տարածքում գտնվող, մարտական գործողությունների հետևանքով չօգտագործվող և հակառակորդի կողմից հողատարածքների գնդակոծման դեպքեր ունեցող գյուղատնտեսական նշանակության և բնակավայրերի բնակելի կառուցապատման հողատարածքների և (կամ) դրանց բարելավումների անշարժ գույքի հարկի տարեկան գումարը հարկ վճարող ֆիզիկական և իրավաբանական անձանց անունից համապատասխան համայնքային բյուջե վճարում է ՀՀ Կառավարությունը։

 

Ովքե՞ր կարող են դիմել

 

Ծրագրի շահառու են ՀՀ Կառավարության 2014 թվականի դեկտեմբերի 18-ի N 1444-Ն որոշման հավելվածով սահմանված սահմանամերձ համայքների բնակիչները։

Դիմելու կարգ

 

Էլեկտրաէներգիայի, բնական գազի, ոռոգման ջրի և անշարժ գույքի հարկի փոխհատուցումների համար դիմում ներկայացնելու անհրաժեշտություն չկա, քանի որ բնակիչ-բաժանորդների, իրավաբանական և ֆիզիկական անձանց ցուցակները տրամադրվում են համապատասխան կազմակերպությունների («ՀԷՑ» ՓԲԸ, «ԳազպրոմԱրմենիա» ՓԲԸ, ջրօգտագործող ընկերություններ և համայնքապետարաններ) կողմից։

 

Խորհրդատվություն, օգտակար հղումներ

 

ՀՀ ՏԿԵՆ թեժ գիծ՝ (010)51-13-79

Էլ. նամակ ուղարկել ՀՀ ՏԿԵՆ

ՀՀ Կառավարության 2014 թվականի դեկտեմբերի 18-ի N 1444-Ն որոշում

ՀՀ Կառավարության 2021 թվականի 12 փետրվարի N 184-Ն որոշում

ՀՀ Կառավարության 2022 թվականի 14 հուլիսի N 1064-Ն որոշում

Տեխնիկական աջակցության համար՝
Աշխատանքային ժամեր`
10:00 - 18:00
Հեռախոսահամար`
0-8000-2020,
+(374) 10-58-59-80
Ծառայության գծով աջակցության համար՝
Աշխատանքային ժամեր`
09:00-18:00
Հեռախոսահամար`
+374 10 511362,
+374 10 511354
Ծառայությունը մատուցող՝
ՀՀ տարածքային կառավարման և ենթակառուցվածքների նախարարություն
Այս էջը օգտակա՞ր էր