ԲԵՏԱ

Հարթակը մշակման փուլում է․ ձեր կարծիքը կօգնի մեզ բարելավել այն:

Քաղաքացիություն, նույնականացում և կացության կարգավիճակ

Ստանալ օթևան որպես օտարերկրյա քաղաքացի

ՀՀ-ում կարող են ապաստան հայցել բոլոր այն փախստականները, որոնք հետապնդումների պատճառով ստիպված են եղել լքել իրենց քաղաքացիության երկիրը կամ մշտական բնակության վայրը։

ՀՀ-ում ապաստան հայցելու համար փախստականները կարող են դիմել տարբեր մարմինների՝ ՀՀ Միգրացիայի և քաղաքացիության ծառայության Օտարերկրացիների վարչություն, ոստիկանական բաժանմունքներ, քրեակատարողական հիմնարկներ կամ սահմանային անցման կետեր։

Այս ծառայությունը հասանելի է միայն ֆիզիկապես, մենք աշխատում ենք առցանց տարբերակի ստեղծման ուղղությամբ։
Ո՞վ կարող է դիմել
Օտարերկրյա քաղաքացիներ
Դիմելու տևողությունը
30 րոպե
Ծառայության արժեքը
Անվճար
Տրամադրման տևողությունը
3-6 ամիս

ՀՀ տարածք մուտք գործելուց հետո կարելի է ապաստան խնդրել գրավոր, բանավոր և ժեստերի միջոցով սահմանային անցման կետերում, ոստիկանական բաժանմունքներում, քրեակատարողական հիմնարկում կամ Միգրացիայի և քաղաքացիության ծառայությունում։

ՀՀ սահմանային անցման կետերում ապաստան ստանալու համար անհրաժեշտ է դիմել Հայաստանի հետևյալ սահմանակետեր և օդանավակայաններ`

  • Բավրա (Հայաստան-Վրաստան ցամաքային սահմանակետ),

  • Բագրատաշեն (Հայաստան-Վրաստան ցամաքային սահմանակետ),

  • Մեղրի (Հայաստան-Իրան ցամաքային սահմանակետ),

  • Այրում (Հայաստան-Վրաստան երկաթուղային սահմանակետ),

  • Գոգավան (Հայաստան-Վրաստան ցամաքային սահմանակետ),

  • «Զվարթնոց» օդանավակայան,

  • «Շիրակ» օդանավակայան։


Ցանկացած մարմնի դիմելու դեպքում ապաստանի դիմումը հաշվառվում է  և գործին ընթացք է տրվում Միգրացիայի և քաղաքացիության ծառայության կողմից։

Դիմումը Միգրացիոն ծառայությունում հաշվառվելուց հետո ծառայության աշխատակիցը սեղմ ժամկետում դիմողի հետ հարցազրույց է անցկացնում, որի ժամանակ դիմողը պետք է աշխատակցին հավաստի տեղեկություններ տրամադրի իր քաղաքացիության կամ մշտական բնակության երկիրը լքելու պատճառների վերաբերյալ։

Հարցազրույցին ներկայանալը պարտադիր է։ Անհարգելի պատճառով հարցազրույցի չներկայանալու դեպքում դիմումի քննարկումը դադարեցվում է Միգրացիոն ծառայության կողմից։

Հարցազրույցից հետո Միգրացիոն ծառայությունը եռամսյա ժամկետում անցկացնում է հայցի քննություն և որոշում կայացնում անձին փախստական ճանաչելու և ապաստան տրամադրելու վերաբերյալ։

Տեխնիկական աջակցության համար՝

Աշխատանքային ժամեր`

10:00 - 18:00
Հեռախոսահամար`

0-8000-2020
+(374) 10 58-59-80

Ծառայության գծով աջակցության համար՝

Աշխատանքային ժամեր`

09:00 - 17:00
Հեռախոսահամար`

+(374) 10 37-02-64

Ծառայությունը մատուցող՝
ՀՀ ՆԳՆ միգրացիայի և քաղաքացիության ծառայություն
Այս էջը օգտակա՞ր էր