Պահանջվող փաստաթղթերը

Պայմանագիրը կնքելու համար անհրաժեշտ է ներկայացնել՝

գյուղատնտեսական նպատակով կենդանական աշխարհի օբյեկտների օգտագործման համար՝

• իրավաբանական անձի (անվանումը, պետական գրանցման համարը, գտնվելու վայրը) կամ ֆիզիկական անձի (անունը, ազգանունը, փաստացի բնակության վայրը) տվյալները, անհատ ձեռնարկատիրոջ պետական հաշվառման համարը,

• օգտագործման ենթակա կենդանական աշխարհի օբյեկտների տեսակները,

• չափաքանակը, գտնվելու վայրը (մարզը, համայնքը),

• օգտագործման ժամանակահատվածը,

• մասնագետների կողմից տրամադրված ցուցումներ՝ տվյալ տեսակի վայրի բնությունից վերցնելու, տեղափոխելու, պահելու (պահման վանդակների կամ ազատավանդակների չափերի ու առանձնահատկությունների, սննդակարգի, անհրաժեշտ սարքավորումների առկայության, տարածքի սանիտարահիգիենիկ պայմանների) վերաբերյալ,

• պարտադիր և անհրաժեշտ անասնաբուժական միջոցառումների ժամանակացույցը՝ հաստատված անասնաբույժի կողմից,

• սելեկցիոն գործընթացն իրականացնելուց առաջ նախնական անասնաբուժական զննություն կատարելու և կարանտինն ապահովելու մասին պարտավորությունը,

արդյունագործական նպատակով կենդանական աշխարհի օբյեկտների օգտագործման համար՝

• իրավաբանական անձի (անվանումը, պետական գրանցման համարը, գտնվելու վայրը) կամ ֆիզիկական անձի (անունը, ազգանունը, փաստացի բնակության վայրը) տվյալները, անհատ ձեռնարկատիրոջ պետական հաշվառման համարը,

• օգտագործման ենթակա կենդանական աշխարհի օբյեկտների տեսակները,

• չափաքանակը, գտնվելու վայրը (մարզը, համայնքը),

• օգտագործման ժամանակահատվածը,

• օգտագործման ենթակա տարածքը տնօրինողի գրավոր համաձայնությունը,

• պետական տուրքի վճարման անդորրագիրը։

Իրավունքի չտրամադրման հիմքերը

Պայմանագրի կնքման հայտը չի հաստատվում, եթե՝

• հայտում ներկայացված կենդանական աշխարհի օբյեկտների հաշվառված պաշարների սպառումը կամ վայրի կենդանու տեսակի համար նախատեսված չափաքանակից ավելի է ներկայացվել,

• հայտում ներկայացված կենդանական տեսակը գրանցված է Կարմիր գրքում,

• բացակայում են անհրաժեշտ փաստաթղթերը կամ դրանցում ներկայացված տեղեկությունները չեն համապատասխանում իրականությանը։

Վճարման չափը և կարգը

Պայմանագիրը կնքելու կամար անհրաժեշտ է վճարել 1,000 դրամ, ինչպես նաև բնօգտագործման վճարը, որը կարող է լինել տարբեր՝ կախված կենդանական աշխարհի օբյեկտից։ Վճարումն անհրաժեշտ է կատարել բանկային փոխանցմամբ 900005001533 (ֆիզիկական անձանց դեպքում) կամ 900005170981 (իրավաբանական անձանց դեպքում) հաշվեհամարներին։

Տրամադրման ժամկետը և կարգը

Պայմանագիրը կնքվում է Շրջակա միջավայրի նախարարության հետ դիմումը ներկայացնելուց հետո 11 աշխատանքային օրվա ընթացքում։

Հայտում կամ կից փաստաթղթերում թերությունների առկայության դեպքում հայտատուն եռօրյա ժամկետում գրավոր տեղեկացվում է` 5 աշխատանքային օրվա ընթացքում վերացնելու նշված թերությունները:

Հայտը անհրաժեշտ է ներկայացնել նախարարության կողմից սահմանած որսաշրջանի ընթացքում։

Հղում օրենսդրությանը

• ՀՀ կառավարության 2023 թվականի հուլիսի 27-ի N 1276-Ն որոշում

• «Կենդանական աշխարհի մասին» ՀՀ օրենք

Իրավական ակտերը հնարավոր է գտնել Arlis.am-ում։