Գիտական գործուղման աջակցություն ստանալու համար կազմակերպության ղեկավարը գրավոր դիմում է ՀՀ ԿԳՄՍ նախարարության բարձրագույն կրթության և գիտության կոմիտե(hասցե՝ ք. Երևան, Օրբելի եղբայրների 22):

Ծրագրի մասին

Աջակցությունը գիտաշխատողներին տրամադրվում է միջազգային հետևյալ միջոցառումներին առավելապես բանավոր զեկույցով  մասնակցելու նպատակով․

• գիտաժողով,
• գիտական կոնֆերանս,
• սիմպոզիում,
• սեմինար։
  
  

Ներկայացվող պահանջները

• Աջակցությունը ստանալու համար անձը պետք է լինի ՀՀ գիտական կառույցում աշխատող գիտաշխատող և ունենա տվյալ գիտական միջոցառմանը մասնակցելու հրավեր։  
• Դիմումը ներկայացվում է գիտական միջոցառմանը մասնակցելու հրավերը ստանալուց հետո՝ գործուղումից 30 օր առաջ:

Պահանջվող փաստաթղթերը

Աջակցությունը ստանալու համար անհրաժեշտ է ներկայացնել հետևյալ փաստաթղթերը․

• դիմում,
• գիտական միջոցառման կազմակերպչի հրավերը կամ զեկույցն ընդունելու մասին ծանուցում,
• գործուղվող գիտաշխատողի գիտական արդյունավետության բնութագիրը։ 

Ուշադրություն

Գործուղման ավարտից հետո տասնօրյա ժամկետում պետք է Կոմիտե ներկայացնել գիտաշխատողի գործուղման արդյունքների մասին հաշվետվության պատճենը և գործուղվող գիտաշխատողի նստեցման կտրոնների (boarding pass) պատճենները