Այց ամրագրելիս անհրաժեշտ է նշել այն անձի տվյալները, ով անձամբ ներկայանալու է ընդունելության: Յուրաքանչյուր այցելուի համար անկախ տարիքից անհրաժեշտ է կատարել անհատական հերթագրում։

Առցանց հերթագրվելու համար անհրաժեշտ է՝

• բացվող էջում մուտքագրել էլ․ փոստի հասցեն և հեռախոսահամարը, այնուհետև՝ էլ․ փոստին ուղարկված կոդը, սեղմել «Հաջորդ էջ» կոճակը
• բացված էջի «Այցելության վայր» դաշտում ընտրել Դավթաշեն, 4-րդ թաղամաս, 17/10 հասցեում գործող բաժանմունքը,
• լրացնել պահանջվող անձնական տվյալները (անունն ու ազգանունն անհրաժեշտ է լրացնել հայատառ, ինչպես գրված է անձնագրում)
• «Ընտրել օր և ժամ» պատուհանում ընտրել հասանելի օրերից ու ժամերից ամենահարմար տարբերակը։

Պահանջվող փաստաթղթերը

Նախատեսված այցի օրը և ժամին Միգրացիայի և քաղաքացիության ծառայությունում կլրացվի դիմում, որին կից անհրաժեշտ է ներկայացնել՝

Եթե ծնողը ՀՀ քաղաքացի է՝

• օտարերկրյա պետության կողմից տրված վավեր անձնագիր և դրա պատճենը,
• 35 X 45 մմ չափսի 6 լուսանկար (գունավոր),
• ծննդյան վկայականը և դրա պատճենը,
• ամուսնության վկայականը և դրա պատճենը (եթե դիմումատուն ամուսնացած է և կրում է ամուսնու ազգանունը),
• ամուսնու անձնագիրը և դրա պատճենը,
• ՀՀ քաղաքացի հանդիսացող ծնողի անձնագիրը կամ քաղաքացիությունը հավաստող փաստաթուղթ,
• պետական տուրքի վճարման անդորրագիրը։

Եթե ծնողը նախկին ՀՀ քաղաքացի է և վերջին 1 տարին մշտապես բնակվել է ՀՀ-ում՝

• օտարերկրյա պետության կողմից տրված վավեր անձնագիր և դրա պատճենը,
• 35 X 45 մմ չափսի 6 լուսանկար (գունավոր),
• ծննդյան վկայականը և դրա պատճենը,
• ամուսնության վկայականը և դրա պատճենը,
• ծնողների ամուսնության վկայականը և դրա պատճենը,
• ամուսնու անձնագիրը և դրա պատճենը,
• ծնողների կամ նրանցից մեկի նախկինում ՀՀ քաղաքացիություն ունենալու, ինչպես նաև վերջին 1 տարում ՀՀ-ում մշտապես բնակվելու փաստը հավաստող փաստաթուղթ,
• պետական տուրքի վճարման անդորրագիրը։
  
  

Ուշադրություն

Օտար լեզվով փաստաթղթերը անհրաժեշտ է ներկայացնել հայերեն թարգմանված և նոտարական կարգով հաստատված։

Ընդ որում՝ 75 տարեկանից բարձր անձանց, ինչպես նաև 1-ին կարգի հաշմանդամություն ունեցող անձանց սպասարկումն իրականցվում է առանց էլ․ հերթագրման՝ «կենդանի հերթ» ձևաչափով։

Վճարման չափը և կարգը

ՀՀ քաղաքացիություն ստանալու համար դիմելիս անհրաժեշտ է վճարել 1,000 դրամ։ Վճարումն անհրաժեշտ է կատարել նախապես՝ առցանց եղանակով։

Տրամադրման ժամկետը և կարգը

ՀՀ քաղաքացիություն ստանալու դիմումը դիտարկվում է 90 աշխատանքային օրվա ընթացքում։ 

Քաղաքացիություն ստանալու դիմումը ներկայացնելուց հետո անձը ստանում է SMS հաղորդագրություն իր դիմումի համարով, որով կարող է հետևել դիմումի ընթացքին։

Դիմումը բավարարվելու դեպքում անձն այդ մասին տեղեկացվում է SMS հաղորդագրությամբ, որից հետո կարող է դիմել ՀՀ քաղաքացու անձնագիր ստանալու համար։

Հղում օրենսդրությանը

• «Հայաստանի Հանրապետության քաղաքացիության մասին» ՀՀ օրենք,
• ՀՀ կառավարության 2007 թվականի նոյեմբերի 23-ի N 1390-Ն որոշում,
• «Պետական տուրքի մասին» ՀՀ օրենք։

Իրավական ակտերը հնարավոր է գտնել arlis.am-ում։