Համայնքի վարչական տարածքում ոգելից եվ ալկոհոլային խմիչքների եվ օրենքով սահմանված սահմանափակումներին համապատասխան ծխախոտային արտադրատեսակների կամ ծխախոտային արտադրատեսակների փոխարինիչների կամ ծխախոտային արտադրատեսակների նմանակների վաճառքի թույլտվության տրամադրում

Լիցենզիաներ

Համայնքի վարչական տարածքում ոգելից եվ ալկոհոլային խմիչքների եվ օրենքով սահմանված սահմանափակումներին համապատասխան ծխախոտային արտադրատեսակների կամ ծխախոտային արտադրատեսակների փոխարինիչների կամ ծխախոտային արտադրատեսակների նմանակների վաճառքի թույլտվության տրամադրում

Ծառայությունը տրամադրվում է համայնքի վարչական տարածքում գործող առևտրի օբյեկտներում ոգելից և ալկոհոլային խմիչքների և (կամ) ծխախոտի արտադրանքի վաճառք իրականացնելու համար տնտեսվարող սուբյեկտներին թույլտվություն տալու նպատակով

Ծառայության մասին բովանդակությունը մշակման փուլում է

Դիմելու տևողությունը

15-20 րոպե

Տրամադրման տևողությունը

Մինչև 3 օր

Դիմելու եղանակը՝

1. Հայտը ներկայացվում է համայնքապետարանի աշխատակազմի աշխատակցին անձամբ կամ լիազորված անձի միջոցով (լիազորագիրը կցվում է հայտին)։ Էլեկտրոնային ստորագրությամբ վավերացված հայտը հնարավոր է ուղարկել նաև համայնքապետարանի պաշտոնական էլեկտրոնային փոստի միջոցով,

2. Հայտի հետ ներկայացվում են ծառայության տրամադրման համար անհրաժեշտ փաստաթղթերը,

3. Համայնքապետարանի աշխատակազմի աշխատակիցը ներկայացված փաստաթղթերի բնօրինակները պատճենահանում է, դրանց վրա կատարում է գրառում բնօրինակների հետ համապատասխանության մասին և փաստաթղթերի բնօրինակները վերադարձնում է հայտատուին: Անհրաժեշտության դեպքում վերցվում են փաստաթղթերի բնօրինակները,

4. Փաստաթղթերի փաթեթը հանձնվում է աշխատակազմի համապատասխան բաժնին կամ մասնագետին,

5. Կայացվում է համայնքի ղեկավարի որոշում և տրվում է թույլտվություն, կամ ծառայության տրամադրումը գրավոր մերժվում է հայտի մուտքագրման օրվանից երկու օրվա ընթացքում:

Անհրաժեշտ փաստաթղթերի ցանկը՝

1. Հայտ՝ լրացված սահմանված ձևով: Հայտի ձևը տրամադրում է համայնքապետարանի աշխատակազմի աշխատակիցը։ Հայտի ձևը հնարավոր է ներբեռնել նաև համայնքապետարանի պաշտոնական էլեկտրոնային կայքի տեղեկատուներ բաժնի ձևաթղթերի շտեմարանից,

2. Հայտատու իրավաբանական անձի պետական գրանցման վկայականի բնօրինակ, ՀՎՀՀ, բանկային վավերապայմաններ,

3. Հայտատու անհատ ձեռնարկատիրոջ (ԱՁ) պետական հաշվառման վկայականի և անձը հաստատող փաստաթղթի բնօրինակ,

4. Գործունեության իրականացման վայրի՝ առևտրի օբյեկտի սեփականության կամ վարձակալության կամ անհատույց օգտագործման իրավունքը հավաստող փաստաթղթի բնօրինակ,

5. Տեղական տուրքի վճարումը հաստատող անդորրագիր,

6. Տեղեկանք` համայնքի բյուջեի նկատմամբ պարտավորությունների մասին:

Վճարման եղանակը՝

Անհրաժեշտ է վճարումն իրականացնել համայնքապետարանի հաշվեհամարին՝

900445101257 (ոգելից խմիչք),

900445101273 (ծխախոտ)

Նպատակ դաշտում նշելով՝ ոգելից եվ ալկոհոլային խմիչքների և (կամ) ծխախոտի արտադրանքի վաճառքի թույլտվության տրամադրում

Վճարման չափը՝

Երևանի վարչական տարածքում ոգելից և ալկոհոլային խմիչքների վաճառքի թույլտվության համար՝ հիմնական և ոչ հիմնական շինությունների ներսում վաճառքի կազմակերպման դեպքում տեղական տուրքը սահմանվում է.

գոտի	մինչև 26 քմ.	26-ից մինչև 50 քմ.	50-ից մինչև 100 քմ.	100-ից մինչև 200 քմ.	200-ից մինչև 500 քմ.	500 և ավելի քմ.
1-ին	17,500	22,750	35,000	43,750	78,750	175,000
1-ին բակային	14,000	18,200	28,000	35,000	63,000	140,000
2-րդ	10,500	13,650	21,000	26,250	47,250	105,000
2-րդ բակային	8,225	10,692	16,450	20,562	37,012	82,250
3-րդ	6,825	8,872	13,650	17,062	30,712	68,250
4-րդ	4,200	5,460	8,400	10,500	18,900	42,000

Երևանի վարչական տարածքում օրենքով սահմանված սահմանափակումներին համապատասխան ծխախոտային արտադրատեսակների կամ ծխախոտային արտադրատեսակների փոխարինիչների կամ ծխախոտային արտադրատեսակների նմանակների վաճառքի թույլտվության համար՝ հիմնական և ոչ հիմնական շինությունների ներսում վաճառքի կազմակերպման դեպքում տեղական տուրքը սահմանվում է.

Գոտի	մինչև 26 քմ.	26-ից մինչև 50 քմ.	50-ից մինչև 100 քմ.	100-ից մինչև 200 քմ.	200-ից մինչև 500 քմ.	500 և ավելի քմ.
1-ին	17,500	22,750	35,000	43,750	78,750	175,000
1-ին բակային	14,000	18,200	28,000	35,000	63,000	140,000
2-րդ	10,500	13,650	21,000	26,250	47,250	105,000
2-րդ բակային	8,225	10,692	16,450	20,562	37,012	82,250
3-րդ	6,825	8,872	13,650	17,062	30,712	68,250
4-րդ	4,200	5,460	8,400	10,500	18,900	42,000

Ծառայության մատուցումը մերժելու հիմքերը՝

1. Ծառայության տրամադրման համար անհրաժեշտ փաստաթղթերի փաթեթի ոչ լիաժեք ներկայացում,

2. Ներկայացված փաստաթղթերի անհամապատասխանություն օրենսդրության պահանջներին,

3. Ներկայացված փաստաթղթերում կեղծ տեղեկությունների բացահայտում,

4. Ուսումնական հաստատություններում, մանկական և բուժկանխարգելիչ կազմակերպություններում գործող առևտրի օբյեկտներում ալկոհոլային խմիչքների և (կամ) ծխախոտի վաճառք:

Կարգավորող իրավական ակտերը՝

1. «Տեղական ինքնակառավարման մասին» ՀՀ օրենք (07.05.2002, ՀՕ-337),

2. «Տեղական տուրքերի և վճարների մասին» ՀՀ օրենք (26.12.1997, ՀՕ-185),

3. «Առևտրի և ծառայությունների մասին» ՀՀ օրենք (24.11.2004, ՀՕ-134-Ն),

4. Վարչական իրավախախտումների վերաբերյալ ՀՀ օրենսգիրք (06.12.1985),

5. ՀՀ կառավարության 2007թ-ի հուլիսի 19-ի «Ոգելից խմիչքների և (կամ) ծխախոտի արտադրանքի վաճառքի, իսկ հանրային սննդի օբյեկտներում` ոգելից խմիչքների և (կամ) ծխախոտի արտադրանքի իրացման թույլտվություն տալու կարգը սահմանելու մասին» N 843-Ն որոշում,

6. Համայնքի ավագանու որոշում (տեղական տուրքերի դրույքաչափերը սահմանելու մասին),

7. Համայնքի ավագանու որոշում (տեղական տուրքեր վճարողների հաշվառման կարգի մասին):

Ծառայությունը մատուցող՝

ՀՀ մարզպետարաններ և համայնքապետարաններ

Դիմելու տևողությունը

15-20 րոպե

Տրամադրման տևողությունը

Մինչև 3 օր

Այս էջը օգտակա՞ր էր