Պահանջվող փաստաթղթերը

Նախագծի հաստատումը ստանալու համար անհրաժեշտ է ներկայացնել՝

• դիմում (թափոնների գոյացման նորմատիվների և դրանց տեղադրման սահմանաքանակների նախագիծ),

• վտանգավոր թափոնների գործածության ոլորտում գործունեություն իրականացնելու դեպքում` լիցենզիայի պատճենը,

• թափոնի անձնագիրը,

• նախագծի հաշվարկը,

• տեղեկություններ թափոնների տեղադրման օբյեկտների մասին,

• այլ կազմակերպություններին թափոնների փոխանցման և թափոնների տեղադրման օբյեկտների հետ կնքված պայմանագրի պատճենը,

• նախորդ տարվա ընթացքում տեղադրված թափոնների քանակը հաստատող փաստաթղթերը,

• թափոնների տեղադրման յուրաքանչյուր օբյեկտի համար բնապահպանական փորձաքննական եզրակացության պատճենը,

• թափոններ գոյացնող յուրաքանչյուր գործընթացի տեխնոլոգիական կանոնակարգը,

• բնապահպանական միջոցառումների ծրագիրը՝ ուղղված թափոնների գոյացման ծավալների նվազեցմանը։

Վճարման չափը և կարգը

Թափոնների գոյացման նորմատիվների նախագծերը հաստատվում են անվճար։

Տրամադրման ժամկետը և կարգը

Փաստաթղթերն ստանալուց հետո  ՀՀ Շրջակա միջավայրի նախարարությունը 5-օրյա ժամկետում ծանուցում է դիմողին՝ նշելով փաստաթղթերի ընդունման ժամկետը և գրանցման համարը:

Մեկամսյա ժամկետում ուսումնասիրվում են ներկայացված փաստաթղթերը և ընդունվում որոշում՝ նախագծերը հաստատելու, իսկ փաստաթղթերի ամբողջական չլինելու դեպքում` լրամշակման վերադարձնելու մասին: Նախագծերը հաստատվում են 1 տարի ժամկետով։

Հղում օրենսդրությանը

• «Թափոնների մասին» ՀՀ օրենք

• ՀՀ կառավարության 2005 թվականի դեկտեմբերի 5-ի N 2291-Ն որոշում

• ՀՀ Բնապահպանության նախարարի 2007 թվականի ապրիլի 27-ի N 97-Ն հրաման

Իրավական ակտերը հնարավոր է գտնել Arlis.am-ում։