Ինչպե՞ս դիմել

Վարորդական վկայականը վերականգնելու համար «Ամրագրել այց» կոճակը սեղմելուց հետո անհրաժեշտ է․

• ընտրել «Հաշվառման քննական ծառայություններ» բաժինը,
• մուտքագրել հանրային ծառայությունների համարանիշն ու հեռախոսահամարը,
• ընտրել առանց քննությունների՝ զրկված վարորդական վկայականի վերականգնման ծառայությունը,
• նշել նախընտրելի հաշվառման-քննական ստորաբաժանումը,
• ամրագրել այցելության օրն ու ժամը,
• լրացնել էլեկտրոնային փոստի հասցեն, որին ուղարկվելու է հերթագրման կոդը։

Ներկայացվող պահանջները

Առանց քննությունների վկայականը հետ ստանալու համար դիմումը պետք է ներկայացվի զրկման ժամկետը լրանալուց հետո 1 տարվա ընթացքում։

Ուշադրություն
Զրկված վարորդական վկայականը առանց քննությունների կարող են վերականգնել նաև 2020 թվականի հունվարի 1-ից հետո վարորդական իրավունքից զրկված անձինք։

Պահանջվող փաստաթղթերը

Նախապես ընտրված օրը անհրաժեշտ է տարածքային ստորաբաժանում ներկայացնել․

• անձնագիր կամ նույնականացման քարտ,
• պետական տուրքի վճարման անդորրագրեր

Վճարման չափը և կարգը

Վճարումը կատարվում է բանկերի, վճարային տերմինալների կամ էլեկտրոնային հավելվածների միջոցով.

• Վարորդական վկայականի վերականգնման համար պետական տուրքը 50,000 դրամ է։

• Հին վարորդական վկայականը վերադարձի ենթակա չլինելու դեպքում, նորը ստանալու համար գործում են հետևյալ պետական տուրքի չափերը․
  • 12,000 դրամ՝ պլաստիկ վկայականի համար,
  • 6,000 դրամ՝ թվային վկայականի համար:

Ուշադրություն
Հին վարորդական վկայականը վերադարձի ենթակա չէ, եթե վավերականության ժամկետը լրացել է, կատարվել է անձնական տվյալների փոփոխություն, վնասված է կամ կորել է։

Տրամադրման ժամկետը և կարգը

• Փաստաթղթերի ստուգումից հետո վարորդական վկայականը տեղում ակտիվանում է։ 
• Վերականգնումից հետո սահմանվում է 1 տարի փորձաշրջան՝ 6 բալային միավորով։

Հղում օրենսդրությանը

• Ճանապարհային երթևեկության անվտանգության ապահովման մասին օրենք
• Պետական տուրքի մասին օրենք

Իրավական ակտերը հնարավոր է գտնել arlis.am-ում (անհրաժեշտ է կարդալ ակտերի վերջին տարբերակը)