ԲԵՏԱ

Հարթակը մշակման փուլում է․ ձեր կարծիքը կօգնի մեզ բարելավել այն:

Քաղաքացիություն, նույնականացում և կացության կարգավիճակ

Տեսակապով դիմել և ստանալ 16 տարին լրացած ՀՀ քաղաքացու անձնագիր արտասահմանում

Եթե անձը գտնվում է այնպիսի պետությունում, որտեղ չկա ՀՀ դեսպանություն կամ հյուպատոսական հիմնարկ, կամ դժվար է դիմել մոտակա ՀՀ դեսպանություն, ապա ՀՀ քաղաքացու անձնագիր ստանալու համար անձը կարող է դիմել տեսակապով։

Դիմողը առցանց հարթակի միջոցով կամ էլեկտրոնային փոստով նախապես ամրագրում է տեսազանգ, զանգի ընթացքում նույնականացվում է ՀՀ արտաքին գործերի նախարարության կողմից, ինչից հետո փոստային ծառայությամբ ԱԳՆ է ուղարկում անձնագիր ստանալու համար պահանջվող փաստաթղթերը։

Ծառայությունից հնարավոր է օգտվել առցանց՝ ուղարկելով նամակ ստորև նշված էլ․ փոստի հասցեին։
Ո՞վ կարող է դիմել
ՀՀ քաղաքացիներ
Դիմելու տևողությունը
10 րոպե
Ծառայության արժեքը
90,000 դրամ
Տրամադրման տևողությունը
3 ամիս

Էլեկտրոնային փոստով դիմելիս անհրաժեշտ է ուղարկել նամակ [email protected] էլ․ հասցեին՝ վերնագրի դաշտում լատինատառ գրելով դիմողի անունը, ազգանունը և անձնագրի համարը։

Նամակի տեքստում անհրաժեշտ է նշել հետևյալ տեղեկատվությունը․

  • դիմողի անունը, ազգանունը և հայրանունը,
  • ծննդյան ամսաթիվը,
  • անձնագրի համարը,
  • բջջային հեռախոսահամարը,
  • գտնվելու վայրը (երկիր, մարզ, քաղաք),
  • կցել անձնագրի պատճենը կամ լուսանկարը, իսկ առաջին անգամ անձնագիր ստանալու դեպքում՝ օտարերկրյա պետության անձնագիրը, անչափահասի դեպքում՝ ծննդյան վկայականը և ծնողների անձնագրերի պատճենները կամ լուսանկարները,
  • տեսակապով զանգ իրականացնելու հարմար օրերն ու ժամային միջակայքը՝ նշելով ժամային գոտին։

Դիմումի ընթացքը

  • Դիմումը ներկայացնելուց հետո 2 աշխատանքային օրվա ընթացքում անձը ստանում է տեսակապի օրն ու ժամը հաստատող էլեկտրոնային նամակ, որտեղ նշվում են նաև մանրամասներ անհրաժեշտ տեխնիկական պայմանների, փաստաթղթերի, փոստային առաքումների և հյուպատոսական ծառայությունների մատուցման վերաբերյալ։
  • Նախատեսված օրը և ժամին տեղի է ունենում տեսազանգը, որի ժամանակ ստուգվում է դիմողի ինքնությունը (տեսազանգը ձայնագրվում և պահպանվում է)։
  • Անձի նույնականացումից հետո դիմողը փոստային առաքմամբ ՀՀ արտաքին գործերի նախարարություն է ուղարկում պահանջվող փաստաթղթերը։
  • Միգրացիայի և քաղաքացիության ծառայության կողմից անձնագիրը ստանալուց հետո 2 աշխատանքային օրվա ընթացքում ԱԳՆ հյուպատոսական վարչությունն անհատական փոստային առաքման եղանակով անձնագիրն ուղարկում է դիմողի կողմից նշված՝ օտարերկրյա պետության հասցեով (անհատական փոստային առաքում կատարելու համար վճարում է դիմողը)։
  • Անձնագիրն ուղարկելուց հետո էլեկտրոնային փոստի միջոցով դիմողին է ուղարկվում փոստային առաքանու հսկիչ համարը, որի միջոցով հնարավոր է առցանց հետևել առաքանու ընթացքին։


Պահանջվող փաստաթղթեր

Տեսակապով նույնականացվելուց հետո անձը պետք է ՀՀ քաղաքացու անձնագիր ստանալու համար պահանջվող փաստաղթղթերը փոստային ծառայության միջոցով ուղարկի ՀՀ արտաքին գործերի նախարարություն։

16 տարին լրացած անձի ՀՀ քաղաքացու անձնագիր ստանալու համար անհրաժեշտ է ներկայացնել՝

  • դիմում անձնագիր ստանալու մասին,

  • ծննդյան վկայական կամ մինչև 16 տարին լրացած ՀՀ քաղաքացու անձնագիր և դրա պատճենը,

  • ծնողների  ամուսնության վկայականը և դրա պատճենը,

  • ծնողների անձնագրերի պատճենները,

  • նշված փաստաթղթերը ներկայացնելու անհնարինության դեպքում՝ ինքնությունը հավաստող այլ փաստաթղթեր,

  • 35 x 45 մմ չափսի 3 գունավոր լուսանկար (առավելագույնը 6 ամիս վաղեմության),
  • պետական տուրքի և փոստային առաքման վճարումները հավաստող փաստաթղթերը,
  • պահանջվող փաստաթղթերն օտար լեզվով կազմված լինելու դեպքում` դրանց՝ օրենքով սահմանված կարգով կատարված և վավերացված հայերեն թարգմանությունները,
  • օտարերկրյա պետությունների կողմից տրված փաստաթղթերը (քաղաքացիական կացության գրանցման վկայականներ, տեղեկանքներ, նոտարական փաստաթղթեր, թարգմանություն) անհրաժեշտ է ներկայացնել ապոստիլով կամ հյուպատոսական վավերացմամբ,
  • հնարավորության դեպքում անհրաժեշտ է ներկայացնել նաև փաստաթղթերի լուսապատճենները։


Պահանջվող հավելյալ փաստաթղթեր

Որոշ դեպքերում անձնագիր ստանալու համար դիմելիս անձից կարող են պահանջվել հավելյալ փաստաղթղթեր, մասնավորապես՝

Եթե դիմողը 16-18 տարեկան է և չունի նույնականացման քարտ՝

  • իր և ՀՀ քաղաքացիություն ձեռք բերած ծնողի կամ ծնողների գրավոր համաձայնությունը (եթե ծնողն անձամբ չի կարող ներկայացնել համաձայնությունը, ապա ներկայացվող համաձայնության վրա նրա ստորագրության իսկությունը պետք է վավերացված լինի նոտարական կարգով և հաստատված լինի ապոստիլով կամ հյուպատոսական վավերացմամբ)։

Եթե մինչև երեխայի ծնունդը ծնողների ամուսնությունը գրանցված չի եղել՝ 

  • հայրության ճանաչման վկայականը,
  • միայնակ մայր լինելու մասին տեղեկանքը,
  • ծնողի մահվան վկայականը,
  • անհայտ բացակայող կամ մահացած ճանաչվելու վերաբերյալ դատարանի վճիռը։

Ընդ որում՝ անհրաժեշտ է ներկայացնել նշված փաստաթղթերից որևէ մեկը և դրա պատճենը։

Եթե երեխայի ծնվելու պահին ծնողներից մեկը ՀՀ քաղաքացի է, իսկ մյուսը՝ օտարերկրյա քաղաքացի՝

  • ծնողների գրավոր համաձայնությունը՝ հաստատված ապոստիլով կամ հյուպատոսական վավերացմամբ։

Եթե դիմողը զինապարտ է (18-55 տարեկան արական սեռի քաղաքացիներ)՝

  • զինվորական գրքույկը։

 

Ուշադրություն

Փաստաթղթերը պետք է ներկայացվեն առանց ջնջումների, որպեսզի անձնագիր տրամադրելու համար էական նշանակություն ունեցող տվյալները (անուն, ազգանուն, հայրանուն, ծննդյան օր, ամիս, տարեթիվ, ծնողների վերաբերյալ տվյալներ, ծննդավայր, զինապարտին տրվող տարկետման ժամկետ և այլն) և փաստաթղթի հիմնական վավերապայմանները (սերիա, համար, պաշտոնատար անձի ստորագրություն և այլն) տեսանելի լինեն։

 

Վճարման չափը և կարգը

Անձնագիրը ստանալու համար անհրաժեշտ է վճարել 90,000 ՀՀ դրամ։ Պետական տուրքի վճարումը կատարվում է Պետական վճարումների էլեկտրոնային համակարգի միջոցով։ 


Տրամադրման ժամկետը

Անձնագիրը տրամադրվում է դիմումը ներկայացնելուց հետո 3 ամսվա ընթացքում։


Հղում օրենսդրությանը

Վճարման չափը և կարգը

Անձնագիրը ստանալու համար անհրաժեշտ է վճարել 90,000 ՀՀ դրամ։ Պետական տուրքի վճարումը կատարվում է Պետական վճարումների էլեկտրոնային համակարգի միջոցով։

 

Տրամադրման ժամկետը

Անձնագիրը տրամադրվում է դիմումը ներկայացնելուց հետո 3 ամսվա ընթացքում։ 

 

Հղում օրենսդրությանը

«ՀՀ քաղաքացու անձնագրի մասին» ՀՀ օրենք

2011 թվականի հունիսի 23-ի N 974-Ն ՀՀ կառավարության որոշում

2011 թվականի հունիսի 23-ի N 974-Ն ՀՀ կառավարության որոշում

Տեխնիկական աջակցության համար՝
Աշխատանքային ժամեր` 10:00 - 18:00
Հեռախոսահամար` 0-8000-2020,
+(374) 10 585980,
Viber:+(374) 41 585980
Ծառայության գծով աջակցության համար՝
Աշխատանքային ժամեր` 09:00 - 18:00
Հեռախոսահամար` +(374) 60 620000,
WhatsApp, Viber: +(374) 55 620111
Այս ծառայությունից հնարավոր է օգտվել նաև այլ եղանակներով։

Ծառայությունից տարբեր եղանակներով օգտվելիս կարող են տարբեր քանակությամբ ժամանակ և ռեսուրսներ պահանջվել։

Ծառայությունը մատուցող՝
ՀՀ արտաքին գործերի նախարարություն
Այս էջը օգտակա՞ր էր