Ինչպե՞ս դիմել

Նորածնին բժշկական կազմակերպությունում գրանցելու համար «Շարունակել» կոճակը սեղմելուց և նույնականանալուց հետո անհրաժեշտ է ընտրել հաստատությունը և բժշկին։

Ներկայացվող պահանջները

Նորածնին բժշկական կազմակերպությունում առցանց գրանցել կարող է «ԵսԵմ» նույնականացում ունեցող․

• ծնողներից մեկը՝ գրանցված ամուսնություն ունենալու դեպքում,
• մայրը՝ գրանցված ամուսնություն չունենալու դեպքում։

Պահանջվող տվյալները

• Նորածնի ծնունդը պետք է գրանցված լինի մինչև նրան բժշկական կազմակերպությունում գրանցելը։ 

Ուշադրություն
Եթե նորածնի հաշվառման և փաստացի բնակության հասցեները նույնը չեն, ապա ծառայությունից հնարավոր է օգտվել ֆիզիկապես՝ այցելելով բնակության հասցեի (մարզի) տարածքում գտնվող բժշկական կազմակերպություն։

Տրամադրման ժամկետը և կարգը

• Բժշկական կազմակերպությունում նորածնի գրանցումը կատարվում է անմիջապես։ 
• Գրանցումից հետո մի քանի օրվա ընթացքում ընտանեկան բժիշկը կապ է հաստատում ծնողի հետ՝ տնայց կատարելու նպատակով։

Հղում օրենսդրությանը

ՀՀ առողջապահության նախարարի՝ 2023 թվականի հոկտեմբերի 17-ի N48-Ն հրաման

Իրավական ակտը հնարավոր է գտնել arlis.am-ում (անհրաժեշտ է կարդալ ակտի վերջին տարբերակը)