Թվային հարթակի միջոցով աջակցության ծրագրին դիմելու մանրամասները հասանելի կլինեն շուտով։

Ներկայացվող պահանջները

Աջակցությունից օգտվելու համար անհրաժեշտ է, որ՝

• վարկի անհուսալիության ժամկետը լինի նվազագույնը 3 տարի,
• վարկի մայր գումարի չափը լինի առավելագույնը 1 միլիոն դրամ,
• դիմողը լինի գրանցված աշխատող։

Աջակցության տեսակները և չափերը

Շահառու դառնալու դեպքում աջակցությունը կտրամադրվի հետևյալ կերպով․

• անձի եկամտային հարկը կուղղվի նրա վարկային պարտավորության մարմանը,

• աշխատավարձից նախկին 50%-ի փոխարեն կբռնագանձվի 20%-ը (հարկադիր),

• բանկերը մինչև 80%-ի չափով կզիջեն վարկերի գծով առաջացած տույժերը և տուգանքները:

Տրամադրման ժամկետը և կարգը

Աջակցությունը կտրամադրվի դիմելուն հաջորդող ամսվա 1-ից՝ առավելագույնը 24 ամիս ժամկետով։

Հղում օրենսդրությանը

ՀՀ կառավարության՝ 2024 թվականի դեկտեմբերի 12-ի N 1990-Լ որոշում

Որոշումը հնարավոր է գտնել arlis.am-ում։