Հայաստանի Հանրապետության զինանշան
Ծառայությունների
ազգային հարթակ
ԲԵՏԱ

Հարթակը մշակման փուլում է․ ձեր կարծիքը կօգնի մեզ բարելավել այն:

Արդարադատություն և օրենք

Ստանալ ՀՀ դիվանագիտական ներկայացուցչությունների և հյուպատոսական հիմնարկների կողմից իրականացվող այլ նոտարական ծառայություններ

Այլ նոտարական ծառայություններն իրենց մեջ ներառում են «Նոտարիատի մասին» օրենքով նախատեսված ՀՀ դիվանագիտական ներկայացուցչությունների և հյուպատոսական հիմնարկների կողմից կատարվող նոտարական գործողությունները:
Ծառայությունից հնարավոր է օգտվել ֆիզիկապես՝ անձամբ այցելելով գրասենյակ։
Ո՞վ կարող է դիմել
ՀՀ քաղաքացիներ և օտարերկրյա քաղաքացիներ
Դիմելու տևողությունը
15-20 րոպե
Տրամադրման տևողությունը
մինչև 150,000 դրամ

Դիմելու համար անհրաժեշտ է դիմել ՀՀ դիվանագիտական ներկայացուցչություն կամ հյուպատոսական հիմնարկ՝ ներկայացնելով պահանջվող փաստաթղթերը՝ ըստ ծառայության պահանջների և վճարելով սահմանված պետական տուրքը։

Հյուպատոսական հիմնարկում նոտարական գործավարությունը վարվում է հայերենով, անհրաժեշտության դեպքում ապահովում է համապատասխան թարգմանություն: 

Պահանջները, որոնց անհրաժեշտ է բավարարել

Նոտարական գործողությունների համար փաստաթղթերը չեն ընդունվում, եթե դրանք պարունակում են ջնջումներ, լրացումներ, խաչած բառեր և այլ ուղղումներ (եթե դրանք նշված չեն և վավերացված չեն պաշտոնատար անձի ստորագրությամբ և այդ փաստաթղթերը տված հիմնարկի, ձեռնարկության կամ կազմակերպության կնիքով), ինչպես նաև կատարված մատիտով կամ ունենալով անհասկանալի տեքստ: 

ՀՀ դիվանագիտական ներկայացուցչությունները և հյուպատոսական հիմնարկները կատարում են հետևյալ նոտարական ծառայությունները․

  • պայմանագրերի հաստատում՝ բացառությամբ ՀՀ տարածքում գտնվող անշարժ գույքի օտարման և գրավի պայմանագրերի,
  • փաստաթղթերի պատճենների և փաստաթղթերից քաղվածքների հաստատում,
  • փաստաթղթերի՝ օտար լեզվից հայերեն թարգմանության և նոտարական վավերացում,
  • փաստաթղթերի (բացառությամբ անձնագրերի և քաղաքացիական կացության վկայականների)՝ հայերենից օտար լեզու թարգմանություն և նոտարական վավերացում,
  • անձնագրերի և քաղաքացիական կացության վկայականների՝ հայերենից օտար լեզու թարգմանություն և նոտարական վավերացում,
  • քաղաքացու ողջ լինելու, որոշակի վայրում գտնվելու և այլ փաստաթղթերի ձևակերպում և հաստատում,
  • ստորագրության իսկության վավերացում,
  • ժառանգական գույքի պահպանմանն ուղղված միջոցառումների իրականացում,
  • կտակների վավերացում,
  • ժառանգության իրավունքի վկայագիր տրամադրում,
  • այլ նոտարական ծառայություններ։

Վճարման չափը և կարգը

Այլ նոտարական ծառայություններից յուրաքանչյուրի համար սահմանված է պետական տուրք, որը սահմանված է ՀՀ արտաքին գործերի նախարարության կողմից։ 


Հղում օրենսդրությանը

«Նոտարիատի մասին» ՀՀ օրենք։

Օրենքը հնարավոր է գտնել arlis.am-ում։

Տեխնիկական աջակցության համար՝
Աշխատանքային ժամեր` 
10:00 - 18:00
 
Հեռախոսահամար`
0-8000-2020
(+374) 010 58-59-80
Viber: (+374) 041 58-59-80
Ծառայության գծով աջակցության համար՝
Աշխատանքային ժամեր`
09:00 - 18:00
 
Հեռախոսահամար`
(+374) 060 62-00-00

WhatsApp, Viber
(+374) 055 62-01-11
Ծառայությունը մատուցող՝
ՀՀ արտաքին գործերի նախարարություն
[email protected]https://www.mfa.am
Այս էջը օգտակա՞ր էր