ՀՀ-ում ամուսնություն գրանցելու համար անհրաժեշտ է անձի ֆիզիկական ներկայությունը, սակայն դիմումը ներկայացնելու համար կարելի է լիազորել որևէ անձի։ 

Ամուսնությունը պետական կարգով գրանցելու համար անհրաժեշտ է՝

• ներկայացնել միջազգային կոնվեցիաներին համապատասխանող փաստաթղթերը,

• ֆիզիկապես ներկայանալ ամուսնացողներից մեկի հաշվառման վայրի (բնակության վայրի՝ համապատասխան տեղեկանքի առկայության դեպքում) քաղաքացիական կացության ակտերի գրանցման գործակալություն (ՔԿԱԳ, տարածված է նաև ռուսերեն տերմինը՝ ЗАГС) ու ներկայացնել դիմում։

Պահանջվող փաստաթղթերը

• ամուսնացող անձանց համատեղ գրավոր դիմումը,

• ամուսնության բացակայության մասին տեղեկանք` օտարերկրյա իրավասու մարմինների կողմից,

• նախկին ամուսնության դադարումը հաստատող փաստաթուղթ, եթե անձը նախկինում գտնվել է ամուսնության մեջ` ստորագրությունների վավերականության ապոստիլով հաստատմամբ, 

• անձնագրի պատճենը` ՀՀ նոտարական թարգմանությամբ հաստատված։