Ստորև ներկայացված քայլերն անհրաժեշտ է կատարել «Շարունակել» կոճակը սեղմելուց հետո։

Առցանց դիմելու համար անհրաժեշտ է՝

• բացվող էջի վերին աջ անկյունում սեղմել «Մուտք» կոճակը,

• մուտք գործել արդեն գրանցված ընտանիքի աշխատող անդամի օգտահաշիվ,

• դիմումներ բաժնից ընտրել «Դիմում» ընտանիքի անդամի համար տարբերակը,

• անցնել նույնականացում։
  
  

Ներկայացվող պահանջները

Կացության կարգավիճակ ստանալու համար անհրաժեշտ է՝

• լինել ԵԱՏՄ անդամ պետություններից որևէ մեկի արդեն իսկ գրանցված և տեղեկանք ստացած աշխատողի ընտանիքի անդամ։
  
  

Պահանջվող փաստաթղթերը

Տեղեկանքը ստանալու համար անհրաժեշտ է ներկայացնել՝

• 3,4 x 4,5 չափսի գունավոր լուսանկար,

• անձնագրի գունավոր պատճենը, 

• ընտանիքի աշխատող անդամի հետ ընտանեկան կապը հաստատող փաստաթղթի գունավոր պատճենը (ծննդյան վկայական և ամուսնության վկայական, օտարալեզու լինելու պարագայում՝ նաև դրանց  թարգմանությունը)։ 
  
  

Վճարման չափը և կարգը

Տեղեկանքը տրամադրվում է անվճար։

Տրամադրման ժամկետը և կարգը

Դիմումներն ընդունվում են առցանց եղանակով՝ 24/7 ռեժիմով։ Բնակության օրինականությունը հավաստող տեղեկանքը տրամադրվում է 30-օրյա ժամկետում (եթե չի պահանջում լրացուցիչ ուսումնասիրություն)։

Կախված ընտանիքի աշխատող անդամին տրամադրված օրինականությունը հավաստող տեղեկանքի ժամկետից՝ տրամադրման տևողությունը կարող է լինել տարբեր։

Հղում օրենսդրությանը

• «Օտարերկրացիների մասին» ՀՀ օրենք
• ՀՀ կառավարության 2021 թվականի դեկտեմբերի 6-ի N 2087-Ն որոշում 

Իրավական ակտերը հնարավոր է գտնել arlis.am-ում։