Առանձնահատուկ պահանջարկ ունեցող համարանիշի օգտագործման առաջնահերթության իրավունքը ստանալու համար իրականացվում է աճուրդ։ 

«Առանձնահատուկ» համարանիշ ձեռք բերելու համար անհրաժեշտ է մասնակցել քվեարկությանը և դրա արդյունքներով ձևավորել այն համարանիշների ցանկը, որոնք քվեարկության արդյունքներով կդրվեն աճուրդին։ 

Էլեկտրոնային աճուրդի հարթակում գրանցվելու համար անհրաժեշտ է՝ 

• այցելել auction.mia.gov.am,

• ընտրել «Ֆիզիկական կամ իրավաբանական անձանց մուտք» բաժինը,

• սեղմել էջի ներքևում գտնվող «Գրանցվել» կոճակը,

• բացվող պատուհանում լրացնել պահանջվող տվյալները և ստեղծել գաղտնաբառ։

Գրանցումը հաջողությամբ ավարտին հասցնելու համար նշված էլեկտրոնային փոստի հասցեին ուղարկվում է գրանցումը հաստատող նամակ։

Համակարգ հաջողությամբ մուտք գործելուց հետո անհրաժեշտ է՝

• Փնտրել ու ստուգել նախընտրելի համարի առկայությունը,
• քվեարկել նախընտրելի համարանիշի օգտին,
• մասնակցել տվյալ համարանիշի աճուրդին,
• առաջարկել ամենաբարձր գինը,
• դառնալ համարանիշի սեփականատեր։

Նախընտրելի համարանիշի աճուրդին մասնակցելու համար անհրաժեշտ է քվեարկել դրա օգտին։ 

Աճուրդին մասնակցում են ամենաշատ քվեարկություն ստացած համարանիշները։

Նախընտրելի համարանիշի աճուրդի մասին նախապես ծանուցվում են քվեարկողները՝ տեղեկացվելով դրա անցկացման օրվա և ժամի մասին։

Աճուրդի ընթացքում բոլոր մասնակիցները առաջարկում են համարանիշի համար արժեքներ։

Ամենաբարձր արժեք առաջարկող մասնակիցը ստանում է տվյալ համարանիշը գնելու իրավունք։ 

Հղում օրենսդրությանը՝ 

• ՀՀ կառավարության 2023 թվականի դեկտեմբերի 14-ի «Տրանսպորտային միջոցների հաշվառման առանձնահատուկ պահանջարկ ունեցող համարանիշների չափորոշիչները սահմանելու մասին» թիվ 2205-Ն որոշում