Փոփոխության համար անհրաժեշտ է պահանջվող փաստաթղթերով դիմել ՀՀ արդարադատության նախարարության իրավաբանական անձանց պետական ռեգիստրի գործակալության  տարածքային սպասարկման գրասենյակներ։

Ներկայացվող պահանջները 

Դիմելու համար անհրաժեշտ է լինել առանձնացված ստորաբաժանման կամ հիմնարկի գործադիր մարմնի ղեկավարը կամ հիմնադրի կողմից լիազորված անձը։

Պահանջվող փաստաթղթերը

Միացող առանձնացված ստորաբաժանումը կամ հիմնարկը ներկայացնում է`

• դիմում (ստորագրված առանձնացված ստորաբաժանման կամ հիմնարկի ղեկավարի կամ հիմնադրի լիազորված անձի կողմից),
• իրավասու մարմնի (մարմինների) որոշումները,
• պետական տուրքի վճարման անդորրագիրը։

Միացման արդյունքում ընդլայնված առանձնացված ստորաբաժանումը կամ հիմնարկը ներկայացնում է՝

• դիմում (ստորագրված առանձնացված ստորաբաժանման կամ հիմնարկի ղեկավարի կամ հիմնադրի լիազորված անձի կողմից),
• կատարված փոփոխությունների մասին իրավասու մարմնի որոշումը,
• կանոնադրության փոփոխությունները կամ լրացումները (կամ նոր խմբագրությամբ կանոնադրությունը),
• միացող առանձնացված ստորաբաժանումների կամ հիմնարկների իրավասու մարմնի (մարմինների) որոշումները,
• պետական տուրքի վճարման անդորրագիրը:

Վճարման չափը և կարգը

Վճարումն իրականացվում է E-payments համակարգի միջոցով կամ բանկային փոխանցմամբ։

Պետական տուրքի չափը ըստ կազմակերպության ձևավորվում է հետևյալ կերպ՝ 

• առևտրային կազմակերպությունների առանձնացված ստորաբաժանումների պետական հաշվառման տուրքը կազմում է 10,000 ՀՀ դրամ, հաշվեհամար՝ 900005160719,
• ոչ առևտրային կազմակերպությունների ստորաբաժանումների և հիմնարկների պետական հաշվառման տուրքը կազմում է 5,000 ՀՀ դրամ, հաշվեհամար՝ 900005160727:
• հիմնարկների հաշվառման տուրքը կազմում է 5,000 ՀՀ դրամ, հաշվեհամար՝ 900005160743:

Տրամադրման ժամկետը և կարգը

Իրավաբանական անձի առանձնացված ստորաբաժանման և հիմնարկի միացման ճանապարհով վերակազմակերպումն իրականացվում է դիմումը ներկայացնելուց հետո 2 աշխատանքային օրվա ընթացքում:

Հղում օրենսդրությանը

• «Իրավաբանական անձանց պետական գրանցման մասին» ՀՀ օրենքում փոփոխություն կատարելու մասին ՀՀ օրենք 
• «Պետական տուրքի մասին» ՀՀ օրենք 

Իրավական ակտերը հնարավոր է գտնել arlis.am-ում։