Գնահատման և փորձաքննության ենթակա նախատեսվող գործունեության տեսակներն ըստ բնագավառների

Էներգետիկայի բնագավառում`

• ատոմային էներգիայի անվտանգության տեսակետից կարևոր օբյեկտների հրապարակի ընտրությունը, կառուցումը, շահագործումը և շահագործումից հանումը (ռադիոակտիվ թափոնների թաղման համար նախատեսված գերեզմանոցների դեպքում՝ փակումը),

• կայանքներ՝ ճառագայթահար միջուկային վառելիքի վերամշակման համար,

• կայանքներ՝ միջուկային վառելիքի արտադրության կամ հարստացման համար,

• կայանքներ՝ ճառագայթահարված միջուկային վառելիքի կամ բարձր ռադիոակտիվություն ունեցող թափոնների վերամշակման համար,

• կայանքներ՝ ճառագայթահարված միջուկային վառելիքի վերջնական հեռացման համար,

• կայանքներ՝ բացառապես ռադիոակտիվ թափոնների վերջնական հեռացման համար,

• կայանքներ՝ բացառապես ճառագայթահարված միջուկային վառելիքի կամ ռադիոակտիվ թափոնների պահպանման համար (ծրագրավորված ավելի քան 10 տարվա համար) արտադրական օբյեկտի տարածքից դուրս այլ վայրերում,

• ռադիոակտիվ թափոնների պահեստարաններ և գերեզմանոցներ,

• ջերմային էլեկտրակայաններ կամ 50 ՄՎտ կամ ավելի ջերմային հզորությամբ այլ այրման համար նախատեսված կայանքներ,

• 50 ՄՎտ և ավելի ջերմային հզորությամբ տաք ջրի կամ գոլորշու արտադրության կայանքներ,

• 1 ՄՎտ և ավելի էլեկտրական հզորությամբ հիդրոէլեկտրակայաններ,

• գազիֆիկացիայի կամ գազի հեղուկացման կայանքներ,

• կոքսի արտադրության վառարաններ,

• երկրաջերմային ջրերից էներգիայի արտադրություն՝ 8 ՄՎտ և ավելի հզորությամբ,

ընդերքօգտագործման բնագավառում`

• երկրաբանական ուսումնասիրություններ` 1000 գծամետրից ավելի ստորերկրյա լեռնային փորվածքներով կամ 1000 գծամետր խորությունը գերազանցող հորատանցքի հորատման դեպքում,
• մետաղական, այդ թվում՝ ռադիոակտիվ օգտակար հանածոյի արդյունահանում կամ հանքաքարի կամ հանքանյութի վերամշակում կամ արդյունահանման համալիրի (այդ թվում՝ պոչամբարների) կառուցում,
• ընդերքօգտագործման վտանգավոր թափոնների վերամշակում,
• նավթամշակման կամ գազամշակման գործարաններ,
• նավթի կամ գազի արդյունահանում կամ հում նավթի կամ բնական գազի վերամշակում,
• նավթի կամ գազի կամ արտադրության թափոնների կամ թունավոր կամ ռադիոակտիվ նյութերի պահման համար ստորերկրյա կառույցների ստեղծում,
• ստորերկրյա տրանսպորտային ուղիների կամ կառույցների ստեղծում,
• մետաղական օգտակար հանածոների հանքարդյունահանման համալիրի վերջնական փակում,
• ոչ մետաղական օգտակար հանածոների արդյունահանում կամ հանքանյութի վերամշակում՝ օրական 30 խմ և ավելի,

քիմիական արդյունաբերության բնագավառում՝

• կաուչուկի կամ ռետինատեխնիկական իրերի արտադրություն կամ վերամշակում,
• նավթի կամ նավթամթերքների արտադրություն կամ վերամշակում,
• մազութի, գուդրոնի, բիտումի արտադրություն կամ վերամշակում,
• պայթուցիկների արտադրություն,
• անօրգանական թթուների կամ ալկալիների կամ անօրգանական այլ նյութերի կամ միացությունների արտադրություն,
• օրգանական կամ անօրգանական նյութերի կամ դրանց խառնուրդների արտադրություն կամ վերամշակում,
• թունաքիմիկատների կամ ագրոքիմիկատների արտադրություն,
• կենցաղային քիմիայի (լվացող, մաքրող կամ այլ նյութերի) արտադրություն` ամսական 50 տոննա և ավելի,
• էթիլ սպիրտի արտադրություն,
• քիմիական արտադրության կայանքներ, որտեղ քիմիական կամ կենսաբանական գործընթացներն օգտագործվում են կերերի սպիտակուցային հավելումների, ֆերմենտների և այլ սպիտակուցային նյութերի արտադրության համար,
• կայանքներ՝ ածխածնի (բնական կոքսի) կամ էլեկտրագրաֆիտի արտադրության համար՝ այրման կամ գրաֆիտիզացիայի միջոցով,
• գազային կամ նավթային կամ նավթաքիմիական կամ քիմիական նյութերի 5 000 տոննա և ավելի տարողության պահեստներ,

դեղագործական արտադրության բնագավառում`

• քիմիական կամ կենսաբանական պրոցեսների օգտագործմամբ դեղանյութերի արդյունաբերական արտադրություն,

մետաղների արտադրության և վերամշակման բնագավառում՝

• մետաղական հանքանյութերի (ներառյալ սուլֆիդային կամ օքսիդացված հանքանյութերի) թրծում և ագլոմերացիա,
• հանքանյութից կամ խտանյութից կամ երկրորդային հումքային նյութերից գունավոր, ազնիվ, հազվագյուտ, սև մետաղների կամ դրանց համաձուլվածքների արտադրություն կամ վերամշակում կամ ժամում 2 տոննա մեծությունը գերազանցող քանակով պաշտպանիչ մետաղական ծածկույթների փչում անմշակ պողպատի մատուցմամբ,
• գունավոր մետաղների մշակում, ներառյալ լեգիրացումը, արտադրատեսակների ռեկուպերացիան (զտում, ձուլածագործական արտադրություն և այլն),
• վերամշակված թուջի կամ պողպատի արտադրություն (առաջնային կամ երկրորդային ձուլում), ներառյալ անընդհատ հոսքով ձուլումը, որը գերազանցում է ժամում 2.5 տոննա հզորությունը,
• մետաղների կամ պլաստիկ նյութերի մակերեսային մշակում` էլեկտրոլիտիկ կամ քիմիական պրոցեսների օգտագործմամբ` 30 խմ և ավելի ծավալով ավազաններում,

թափոնների գործածության բնագավառում՝

• վտանգավոր թափոնների հավաքում, պահում, օգտահանում, մշակում (բացառությամբ կոշտ կենցաղային, էլեկտրոնային և էլեկտրատեխնիկական սարքավորումների, շինարարական թափոնների տեսակավորման կամ մեխանիկական եղանակով տարանջատման), վերամշակում, վնասազերծում, տեղադրում կամ թաղում,
• 15 000 և ավելի բնակչության սպասարկման համար կամ օրական 10 տոննա և ավելի աղբ ընդունող աղբավայրերի կառուցում կամ շահագործում կամ կենցաղային թափոնների վերամշակում,
• ոչ վտանգավոր թափոնների համար նախատեսված փոխանցման կայաններ կամ աղբավայրեր՝ օրական 50 տոննան գերազանցող հզորությամբ,
• աղբավայր, որտեղ թափվում է օրական ավելի քան 10 տոննա աղբ, կամ ընդհանուր ծավալը գերազանցում է 25 000 տոննան, բացառությամբ ոչ վտանգավոր թափոնների համար նախատեսված աղբավայրի,
• թափոնների տեղադրման օբյեկտների կառուցում,
• պլաստիկ նյութերի վերամշակում՝ քիմիական հատկությունների փոփոխմամբ,

շինանյութի արդյունաբերության բնագավառում՝

• ցեմենտի կամ կլինկերի կամ կրի կամ գաջի արտադրություն` օրական 100 տոննա և ավելի,
• հանքանյութի հալեցում` օրական 20 տոննա և ավելի, ներառյալ հանքային մանրաթելի արտադրությունը,
• թրծման միջոցով կերամիկական արտադրատեսակների, այդ թվում` տանիքի կղմինդրի կամ աղյուսի կամ հրակայուն աղյուսի կամ կերամիկական սալիկի կամ քարե կերամիկայի կամ ճենապակե իրերի արտադրություն` օրական 30 տոննա և ավելի, կամ 4 խմ հզորությունը գերազանցող թրծման վառարաններ, որոնց շարման խտությունը գերազանցում է 300 կգ/մ խորանարդ մեծությունը,
• ապակու կամ ապակաթելի կամ ապակյա իրերի արտադրություն` օրական 20 տոննա և ավելի,
• 80 տ/ժ և ավելի արտադրողականությամբ ասֆալտի կամ 80 խմ/ժ և ավելի արտադրողականությամբ բետոնի ստացիոնար արտադրություն,
• ասբեստի կամ ասբեստ պարունակող նյութերի արտադրություն,

թեթև արդյունաբերության բնագավառում՝

• բնական կաշվի արտադրություն կամ քիմիական վերամշակում` օրական 10 տոննա և ավելի, արհեստական կաշվի (այդ թվում` սինթետիկ) արտադրություն` ամսական 30000 քառ. դեցիմետր և ավելի,
• կայանքներ՝ մանրաթելի կամ տեքստիլի նախնական վերամշակման (այնպիսի գործողություններ, ինչպիսիք են լվացումը, սպիտակեցումը, մերսերիզացիան) կամ ներկման համար, որտեղ մշակվող նյութերի ծավալը գերազանցում է օրական 10 տոննան,
• նյութերի, առարկաների կամ արտադրատեսակների մակերեսային մշակում` օրգանական լուծիչների օգտագործմամբ, մասնավորապես կայանքներ՝ հարդարման, տպագրման, ծածկույթի, յուղազրկման, ջրամեկուսացման, ստանդարտացման, ներկման, մաքրման կամ ներծծման համար, որոնց օրական հզորությունը գերազանցում է 150 կգ-ը մեկ ժամում կամ տարեկան՝ 200 տոննան,

սանիտարատեխնիկական կառուցվածքների բնագավառում՝

• գերեզմանոցներ կամ դիակիզարաններ կամ դիահերձարաններ, պաթոլոգիաանատոմիկներ կամ դիարաններ,
• կենդանիների դիակիզում կամ թաղում կամ սպանդանոցներ` օրական 20 տոննա և ավելի հզորությամբ,

ենթակառուցվածքների բնագավառում՝

• օդանավակայաններ՝ 2100 մ թռիչքուղու երկարությամբ և ավելի,
• էլեկտրահաղորդման գծեր` 15 կմ և ավելի երկարությամբ կամ 220 կՎ և ավելի լարման,
• չորս և ավելի երթևեկելի գոտի ունեցող նոր ճանապարհների կառուցում կամ վերակառուցում կամ երկու կամ պակաս երթևեկելի գոտի ունեցող ճանապարհների ընդլայնում չորս և ավելի երթևեկելի գոտի ստանալու նպատակով, եթե համապատասխան հատվածն ունի 10 կմ և ավելի անընդհատ երկարություն,
• 500 մետր և ավելի երկարությամբ թունելների կամ մետրոպոլիտենի կամ երկաթուղիների կառուցում կամ 25 տոննա և ավելի բեռնատարողությամբ կամուրջների կառուցում,
• 300 մմ և ավելի տրամագծով, 20 կմ և ավելի երկարությամբ գազի կամ նավթի կամ քիմիական նյութերի խողովակաշարեր,
• գերհզոր հաղորդող ռադիոտեխնիկական օբյեկտների տեղակայում: Սույն օրենքի իմաստով՝ գերհզոր հաղորդող ռադիոտեխնիկական օբյեկտներ են համարվում այն օբյեկտները, որոնց տեղադրված ալեհավաքի ուղղորդված գործողության գործակիցը 5-ից ավելի է, կամ առավելագույն հզորությունը գերազանցում է ներքոհիշյալ մակարդակները՝
• 900 Վտ՝ 30 կՀց-3 ՄՀց հաճախականության տիրույթում,
• 500 Վտ՝ 3-30 ՄՀց հաճախականության տիրույթում,
• 25 Վտ՝ 30 ՄՀց-300 ԳՀց հաճախականության տիրույթում,

ջրային տնտեսության բնագավառում՝

• ջրամբարներ կամ արհեստական լճեր կամ ջրավազաններ` 3 մլն խմ և ավելի,
• կենցաղային կեղտաջրերի մաքրման կայաններ` 50 000 և ավելի բնակչի համարժեք հզորությամբ,
• արտադրական կեղտաջրերի մաքրման կայաններ,
• ստորերկրյա ջրերի արդյունահանման կամ ստորգետնյա ջրերի արհեստական համալրման համակարգեր, երբ արդյունահանվող կամ վերհամալրվող ջրի տարեկան ծավալը համարժեք է 5 միլիոն խորանարդ մետրին կամ գերազանցում է դրան,
• ստորերկրյա քաղցրահամ ջրերի արդյունահանում՝ ձեռնարկատիրական նպատակներով,

քաղաքաշինության բնագավառում՝

• հակասողանքային կամ հակասահքային կամ հակասելավային միջոցառումներ` 10 հա և ավելի տարածքների համար,

գյուղատնտեսության բնագավառում`

• կաթի վերամշակման, կաթնամթերքի արտադրության գործարաններ` օրական 200 տոննա և ավելի արտադրական հզորությամբ,
• ձկնաբուծական տնտեսություններ՝ 400 լիտր/վայրկյան և ավելի ջրառի դեպքում (մեկ տնտեսության համար),
• թռչնաբուծական տնտեսություններ` 20000 առանձնյակից ավելի,
• խոզաբուծական տնտեսություններ` 1000 գլուխ և ավելի կամ 350 տեղ և ավելի մայր խոզերի համար,

փայտի և թղթի արդյունաբերության բնագավառում`

• թղթի արտադրության համար փայտանյութի, թղթի կամ ստվարաթղթի արտադրություն` օրական 20 տոննա և ավելի ծավալով,
• փայտանյութից ցելյուլոզի կամ նման մանրաթելային նյութերի արտադրություն,

սննդի արդյունաբերության բնագավառում`

• համակցված կերերի արտադրություն` օրական 50 տոննա և ավելի,
• ծխախոտի արտադրություն կամ վերամշակում` օրական 0.5 տոննա և ավելի։

 

Էներգետիկայի բնագավառում՝

• կենսագազի կամ կենսագազով էներգիայի արտադրություն՝ 1 ՄՎտ և ավելի հզորությամբ,
• հիդրոէլեկտրակայաններ` մինչև 1 ՄՎտ հզորությամբ,
• հողմաէլեկտրակայաններ՝ 5 ՄՎտ և ավելի ընդհանուր հզորությամբ, արևային էլեկտրակայաններ՝ 3 հա և ավելի տարածք զբաղեցնող կամ լողացող արևային կայանքներ,
• երկրաջերմային ջրերից էներգիայի արտադրություն՝ մինչև 8 ՄՎտ հզորությամբ,
• 1 ՄՎտ-ից մինչև 50 ՄՎտ ջերմային հզորությամբ այրման համար նախատեսված կայանքներ, բացառությամբ ջերմային էլեկտրակայանների,
• 1 ՄՎտ-ից մինչև 50 ՄՎտ ջերմային հզորությամբ տաք ջրի կամ գոլորշու արտադրության կայանքներ,

ընդերքօգտագործման բնագավառում՝

• երկրաբանական ուսումնասիրություններ,
• ոչ մետաղական օգտակար հանածոների հանքերի վերջնական փակում,
• ընդերքօգտագործման ոչ վտանգավոր թափոնների վերամշակում,
• հանքային ջրերի հանքավայրերի վերջնական փակում,
• հանքային ջրերի հանքավայրերի շահագործում՝ ձեռնարկատիրական նպատակով,
• ոչ մետաղական օգտակար հանածոյի վերամշակում՝ օրական 8-ից մինչև 30 խմ,

ջրային տնտեսության կամ հողերի մելիորացիայի բնագավառում՝

• ջրամբարներ կամ արհեստական լճեր կամ ջրավազաններ` 500 000-ից մինչև 3 մլն խմ,
• ջրային ավազանների միջև ջրի հոսքի տեղափոխման աշխատանքներ, երբ այդպիսի տեղափոխումն ուղղված է ջրի հնարավոր պակասը կանխելուն, և տեղափոխվող ջրի տարեկան ծավալը գերազանցում է 100 մլն խմ-ն, բացառությամբ «Սևանա լճի էկոհամակարգի վերականգնման, պահպանման, վերարտադրման և օգտագործման միջոցառումների տարեկան ու համալիր ծրագրերը հաստատելու մասին» օրենքով հաստատված ծրագրի 6.1-ին կետով նախատեսված դեպքերի, կամ գետերի ավազանների միջև ջրային ռեսուրսների տեղափոխման հետ կապված բոլոր այլ տեսակի աշխատանքներ, երբ ջրի վերցման միջին բազմամյա հոսքը գերազանցում է տարեկան 2 000 միլիոն խմ-ն, երբ տեղափոխվող ջրի ծավալը գերազանցում է այդ հոսքի 5%-ը։ Այս երկու դեպքերում էլ բացառվում է խմելու ջրի հոսքի տեղափոխումը,
• կենցաղային կեղտաջրերի մաքրման կայաններ` 3 000-ից մինչև 50 000 բնակչի համարժեք հզորությամբ,
• ենթակառուցվածքների կառուցում` վարարումներից, ճահճացումից պաշտպանելու նպատակով,
• աղակալված հողերի աղազերծում քիմիական լուծույթներով,
• չորացնող կամ կոլեկտորադրենաժային համակարգեր` 5 կմ և ավելի երկարությամբ,

գյուղատնտեսության բնագավառում՝

• ձկնաբուծական տնտեսություններ` տարեկան 100 տոննա և ավելի արտադրողականությամբ, եթե տնտեսության ջրօգտագործումը չի գերազանցում 400 լիտր/վայրկյանը,
• ոչխարաբուծական տնտեսություններ` 500 գլուխ և ավելի,
• անասնաբուծական (խոշոր եղջերավոր) տնտեսություններ՝ 1000 գլուխ և ավելի․
• անտառային տնտեսության բնագավառում`
• անտառահատում՝ պետական կամ համայնքային սեփականություն հանդիսացող հողերում, բացառությամբ անտառկառավարման կամ բնության հատուկ պահպանվող տարածքների կառավարման պլաններով նախատեսված անտառահատումների,
• անտառապատում, բացառությամբ անտառային հողերի,

ենթակառուցվածքների բնագավառում՝

• էլեկտրահաղորդման գծերի կառուցում` 5 կմ-ից մինչև 15 կմ երկարությամբ կամ 110 կՎ-ից մինչև 500 կՎ լարման՝ 500 մ-ից ավելի երկարությամբ,
• բենզալցակայաններ կամ հեղուկ վառելիքի լցակայան, գազալցակայաններ` 5 խմ և ավելի տարողությամբ կամ ավտոգազալիցքավորման ճնշակայաններ,
• ավտոմայրուղիների և արագընթաց ճանապարհների կառուցում՝ 1 կմ-ից ավելի անընդհատ երկարությամբ,
• 300 մմ և ավելի տրամագծով և 1 կմ և ավելի երկարությամբ ջրամատակարարման և ջրահեռացման համակարգեր կամ մայր ջրանցքներ,
• 300 մմ և ավելի տրամագծով և 20 կմ և ավելի երկարությամբ խողովակաշարեր` օպտիկամանրաթելային մալուխների համար,

սննդի արդյունաբերության բնագավառում՝

• սննդամթերք ստանալու համար կենդանական հումքի (բացի կաթից) մշակում և վերամշակում՝ արտադրական հզորությունն օրական 75 տոննան գերազանցելու դեպքում,
• սննդամթերք ստանալու համար բուսական հումքի մշակում և վերամշակում՝ արտադրական հզորությունն օրական 300 տոննան (եռամսյակային միջին ցուցանիշը) գերազանցելու դեպքում,
• շաքարի կամ շաքարավազի արտադրություն՝ օրական 10 տոննա և ավելի,
• գարեջրի արտադրություն` օրական 1000 դեկալիտր և ավելի,
• կաթի վերամշակման և կաթնամթերքի արտադրություն՝ օրական 100-ից մինչև 200 տոննա արտադրական հզորությամբ,
• կենդանական կամ բուսական յուղերի ու ճարպի արտադրություն` օրական 5 տոննա և ավելի,
• ձկնամթերքի արտադրություն կամ վերամշակում, որոնց պատրաստի արտադրանք արտադրելու հզորությունը գերազանցում է օրական 30 տոննան,

քաղաքաշինության բնագավառում՝

• քաղաքաշինական գործունեության օբյեկտների կառուցում՝ 1500 քմ և ավելի վերգետնյա ամենամեծ կառուցապատման մակերեսով կամ 2000 քմ և ավելի ստորգետնյա ամենամեծ կառուցապատման մակերեսով,
• քաղաքաշինական գործունեության օբյեկտների կառուցում՝ 15000 քմ և ավելի ընդհանուր կառուցապատման մակերեսով, ներառյալ բոլոր հարկերի, այդ թվում՝ ստորգետնյա հարկերի մակերեսները, բարեկարգման անջրանցիկ տարածքի մակերեսները,
• բարեկարգում՝ 1000 քմ և ավելի անջրանցիկ մակերեսի դեպքում,

ռեկրեացիայի և զբոսաշրջության բնագավառներում՝

• դահուկուղիներ, ճոպանուղիներ, զիփլայն (ճախրուղի) և հարակից ենթակառուցվածքներ,

շինանյութի արդյունաբերության բնագավառում՝

• 30-ից մինչև 80 տ/ժ արտադրողականությամբ ասֆալտի կամ 30-ից մինչև 80 խմ/ժ արտադրողականությամբ բետոնի ստացիոնար արտադրություն,
• ցեմենտի կամ կրի կամ գաջի արտադրություն` օրական մինչև 100 տոննա,

թափոնների գործածության բնագավառում՝

• մինչև 15 000 բնակչության սպասարկման համար կամ օրական մինչև 10 տոննա աղբ ընդունող աղբավայրերի կառուցում կամ շահագործում, որոնց ընդհանուր ծավալը չի գերազանցում 25000 տոննան,
• կոշտ կենցաղային, էլեկտրոնային և էլեկտրատեխնիկական սարքավորումների, շինարարական թափոնների տեսակավորման հետ կապված տնտեսական գործունեություն,
• ոչ վտանգավոր թափոնների օգտահանում, մշակում, վերամշակում, այրում՝ օրական 1 տոննան գերազանցող քանակությամբ: