Ինչպե՞ս գրանցվել քաղաքացիության գործերի էլեկտրոնային կառավարման համակարգում

Համակարգում էլեկտրոնային փոստի միջոցով գրանցվելու համար անհրաժեշտ է այցելել mcs-citizenship.am և կատարել հետևյալ քայլերը։

• սեղմել կայքի աջ անկյունում գտնվող  «Գրանցվել»  կոճակը,
• բացված էջից ընտրել համապատասխան ընթացակարգը («ՀՀ քաղաքացի», «Օտարերկրացի» , «Փախստական» , «Քաղաքացիություն չունեցող անձ»)
• լրացնել էլեկտրոնային փոստի հասցեն (ծանուցումներ ուղարկելու համար),
• լրացնել կոնտակտային հեռախոսահամար,
• ստեղծել 8 նիշից բաղկացած գաղտնաբառ,
• կրկնել գաղտնաբառը հաջորդ դաշտում,
• կատարել նշում՝ համաձայնելով օգտագործել Ձեր տվյալները և ուղարկել ծանուցումներ,
• անցնել էլեկտրոնային փոստին ուղարկված հղմամբ,
• հաջորդիվ կցել ճամփորդական փաստաթղթի (անձնագրի, փախստականի կոնվենցիոն փաստաթղթի կամ քաղաքացիություն չունեցող անձի կոնվենցիոն փաստաթղթի) լուսապատճենը և սեղմել «Ընթերցել անձնագիրը» կոճակը,
• մանրամասն ստուգել ինքնաշխատ ընթերցված տվյալները:

Անձնական էջ մուտք գործելու համար «Ավարտել» կոճակը սեղմելուց հետո անհրաժեշտ է՝

• սեղմել Մուտք կոճակը,
• ընտրել մուտքի ընթացակարգը («ՀՀ քաղաքացի» , «Օտարերկրացի» , «Փախստական» , «Քաղաքացիություն չունեցող անձ»)
• անցնել նույնականացում կամ
• լրացնել էլեկտրոնային փոստի հասցեն և գաղտնաբառը:

Ուշադրություն
ԼՂ-ից բռնի տեղահանված անձինք համակարգում կարող են գրանցվել որպես փախստական։

«ԵսԵմ» նույնականացման հարթակի միջոցով գրանցվելու համար անհրաժեշտ է ունենալ՝ 

• նույնականացման քարտ
• քարտ կարդացող սարք կամ mID (բջջային նույնականացման քարտ):

Ուշադրություն
ՀՀ քաղաքացիները համակարգում կարող են գրանցվել բացառապես «ԵսԵմ» ազգային նույնականացման հարթակի միջոցով։ 

ՀՀ քաղաքացի չհանդիսացող անձանց դեպքում էլեկտրոնային փոստով գրանցվելիս անհրաժեշտ է՝ 

• էլեկտրոնային փոստի հասցե
• հեռախոսահամար
• անձնագրի, փախստականի կոնվենցիոն փաստաթղթի կամ քաղաքացիություն չունեցող անձի կոնվենցիոն փաստաթղթի լուսապատճեն:

ՀՀ քաղաքացիության մասին օրենք

ՀՀ կառավարության 2026 թվականի հունվարի 22-ի N 97-Ն որոշում

Իրավական ակտերը հնարավոր է գտնել arlis.am-ում (անհրաժեշտ է կարդալ ակտերի վերջին տարբերակը)։