Կենտրոնական բանկը տեղեկացնում է, որ 2026 թվականի ապրիլի 15-ից շրջանառությունից դուրս կգան երկրորդ սերնդի որոշ թղթադրամներ։

Փոփոխությունը պայմանավորված է թղթադրամների մաշվածությամբ, ինչպես նաև այն հանգամանքով, որ ներկայում շրջանառության մեջ են գտնվում երրորդ սերնդի թղթադրամները։

Շրջանառությունից դուրս կգան հետևյալ անվանական արժեքների և թողարկման տարիների թղթադրամները․

• 500 դրամ՝ թողարկված 1999 թվականին (Ալեքսանդր Թամանյանի դիմապատկերով),
• 1,000 դրամ՝ թողարկված 1999, 2001, 2011 և 2015 թվականներին (Եղիշե Չարենցի դիմապատկերով),
• 5,000 դրամ՝ թողարկված 1999, 2003, 2009 և 2012 թվականներին (Հովհաննես Թումանյանի դիմապատկերով),
• 10,000 դրամ՝ թողարկված 2003, 2006, 2008 և 2012 թվականներին (Ավետիք Իսահակյանի դիմապատկերով),
• 20,000 դրամ՝ թողարկված 1999, 2007, 2009 և 2012 թվականներին (Մարտիրոս Սարյանի դիմապատկերով)։

Մինչև 2026 թվականի ապրիլի 15-ը նշված թղթադրամները համարվում են օրինական վճարամիջոց և կարող են օգտագործվել վճարումներ կատարելիս։

2026 թվականի ապրիլի 15-ից հետո դրանք հնարավոր կլինի փոխանակել առանց միջնորդավճարի և առանց սահմանափակումների՝

• ՀՀ առևտրային բանկերում,
• ՀՀ Կենտրոնական բանկում։