Մարտի 1-ից մարզերում հաշվառված կենսաթոշակառուները և անապահովության նպաստառուները ևս կկարողանան օգտվել տրանսպորտի ուղետոմսերի արտոնություններից՝ 

• կենսաթոշակառուները՝ 30% զեղչով, 

• նպաստառուները՝ 20% զեղչով։

Իսկ տրանսպորտից անվճար կարող են օգտվել նաև՝ 

• հաշմանդամություն ունեցող երեխաները,

• Երևանում հաշվառված առնվազն 4 երեխա ունեցող ծնողները։

Հիշեցնենք, որ արտոնություններ կարող են ստանալ նաև այլ քաղաքացիներ․ մանրամասները կարող եք տեսնել հղումով։

Մարտի 1-ից տեղի են ունեցել նաև փոփոխություններ ուղետոմսերի որոշ փաթեթների համար։ Մասնավորապես՝ 

• «1 օր» փաթեթի դեպքում հնարավոր կլինի կատարել անսահմանափակ ուղևորություններ 24 ժամվա ընթացքում,

• «7 օր» փաթեթի դեպքում հնարավոր կլինի կատարել անսահմանափակ ուղևորություններ 7 օրվա ընթացքում,

• նախկին «90 րոպե» փաթեթը, որ նախատեսված էր 90 րոպեում 3 ուղևորություն կատարելու համար, վերափոխվել է «180 րոպե» փաթեթի, որը հնարավորություն է տալիս կատարել 3 ուղևորություն 180 րոպեի ընթացքում,

• 1500 դրամ արժեքով «10 ուղևորություն» փաթեթի վավերականության ժամկետը նախկին 30 օրվա փոխարեն կլինի 45 օր։

Մյուս փաթեթներին ծանոթանալու և ուղետոմս գնելու մանրամասները ներկայացված են ուղեցույցում։