2025 թվականի հուլիսի 5-ից 2026 թվականի հունվարի 5-ն ընկած ժամանակահատվածում կարգելվի Հայաստանից հետևյալ ապրանքների արտահանումը Եվրասիական տնտեսական միության անդամ չհանդիսացող երկրներ՝

• ցորեն,
• մեսլին,
• գարի,
• եգիպտացորեն,
• հնդկացորեն,
• արևածաղկի սերմ, 
• արևածաղկի ձեթ։

Այս արգելքը չի տարածվում այն ապրանքների վրա, որոնք ներմուծվել են Հայաստան՝ այլ երկրներ վերաարտահանելու նպատակով։

Հիշեցնենք, որ, ըստ «Առևտրի և ծառայությունների մասին» ՀՀ օրենքի, վերոնշյալ ապրանքների արտահանումը արտաքին առևտրի ոլորտում երբեմն կարող է սահմանափակվել կամ արգելվել որոշ պատճառներով, օրինակ՝ բնակչության անվտանգության և առողջության պահպանման կամ բարելավման, բնության ու շրջակա միջավայրի, պատմական, հնէաբանական ու մշակութային արժեքների, ներքին շուկայի, ընդերքի և տեղական արտադրության, կենդանիների և բույսերի պաշտպանության նպատակներով։