2025 թվականի հաշվետու տարվա համար տարեկան հայտարարագիրը պետք է ներկայացնել 2026 թվականի մարտի 2-ից մինչև նոյեմբերի 1-ը ներառյալ:

Կառավարության որոշմամբ՝ մի շարք եկամուտների համար սահմանված հայտարարագրման ոչ ենթակա շեմը նախկին 300,000 դրամի փոխարեն դարձել է 1 միլիոն դրամ: Սա նշանակում է, որ եթե նախորդ տարվա ընթացքում ստացել եք մինչև 1 միլիոն դրամի նվիրատվություն, ժառանգություն կամ օտարել եք անձնական գույքը մեկ այլ ֆիզիկական անձի, ապա այդ գումարները հայտարարագրելու անհրաժեշտություն չկա:

Անկախ գումարի չափից՝ հայտարարագրման ենթակա չեն նաև․

• կուտակային կենսաթոշակային հատկացումները,
• զինծառայողների դրամական ապահովությունը,
• դոնորության վճարները,
• ստացված վարկերը,
• պետական պարգևները:

Հիշեցնենք, որ եթե նախորդ՝ 2025 թվականի ընթացքում կրթական կամ առողջապահական ծախսեր եք կատարել, ապա եկամուտների հայտարարագրման ժամանակ կարող եք դիմել և հետ ստանալ այդ ծախսերից վճարած եկամտային հարկը՝ առավելագույնը 100,000 հազար դրամ։

Հայտարարագրման գործընթացի և արտոնությունների մասին առավել մանրամասն կարող եք կարդալ «Եկամուտների հայտարարագրում. ի՞նչ է պետք անել» ուղեցույցում: