Ավտոմեքենա գնելու կամ վաճառելու, վարորդական իրավունք ստանալու քննությունները հանձնելու, ավտոմեքենան ապահովագրելու մասին հարցերը մշտապես արդիական են։

Ծառայությունների ազգային հարթակում հասանելի են ավտոմեքենայի ձեռքբերմանը, վարմանը և շահագործմանը վերաբերող բոլոր հարցերի պատասխանները։

Նախ՝ վարորդական վկայական ստանալու համար անհրաժեշտ է հանձնել 2 քննություն՝ տեսական և գործնական։ Քննությունների անցկացման կարգի և դրանց մասնակցելու համար անհրաժեշտ նախապայմանների մասին մանրամասները ներկայացված են «Ինչպե՞ս ստանալ վարորդական իրավունք» ուղեցույցում։

Եթե որոշել եք մեքենան գնել արտասահմանյան շուկայից, ապա այդ գործընթացը կապված է լինելու հավելյալ փաստաթղթերի հավաքման, վճարումներին և մաքսազերծմանը վերաբերող այլ կարևոր գործընթացների հետ։ Այս ամենին տեղեկանալու համար կարող եք կարդալ «Ինչպե՞ս արտասահմանից ներմուծել ավտոմեքենա և մաքսազերծել այն» ուղեցույցը։

Մեքենան գնելուց հետո այն շահագործելու համար անհրաժեշտ կլինի իրականացնել հետևյալ գործողությունները՝

• Մեքենայի հաշվառում․ կարդացեք «Ինչպե՞ս հաշվառել ավտոմեքենան» ուղեցույցը
• Մեքենայի ապահովագրություն․ կարդացեք «Ինչպե՞ս ապահովագրել ավտոմեքենան» ուղեցույցը
• Ճիշտ երթևեկություն․ կարդացեք «Ինչպե՞ս երթևեկել Հայաստանում» ուղեցույցը

Իսկ եթե որոշել եք վաճառել մեքենան, ապա այդ դեպքում ևս հարթակում կգտնեք ձեզ հետաքրքրող բոլոր հարցերի պատասխանները՝ կարդալով «Ինչպե՞ս վաճառել ավտոմեքենան» ուղեցույցը։

Մեքենայի և երթևեկության հետ կապված մնացած հարցերի պատասխանները կարող եք գտնել «Ավտոմեքենայի ձեռքբերում և վարորդական իրավունքի ստացում» կյանքի իրադարձության էջում։