Այսուհետ ՀՀ-ում կացության կարգավիճակ ունեցող օտարերկրացիները կկարողանան ստանալ «ԵսԵմ» բջջային ID SIM քարտ։

«ԵսԵմ» բջջային ID SIM քարտ ձեռք բերելու համար օտարերկրացիները պետք է ունենան Հանրային ծառայությունների համարանիշ և հետևյալ փաստաղթղթերից որևէ մեկը՝

• ժամանակավոր կացության քարտ,
• մշտական կացության քարտ,
• հատուկ անձնագիր,
• բնակության օրինականությունը հավաստող տեղեկանք։

«ԵսԵմ» բջջային ID SIM քարտ ունենալու համար անհրաժեշտ է՝ 

• նշված փաստաթղթերից որևէ մեկով 1 անգամ մոտենալ Վազգեն Սարգսյան 3 հասցեում գործող Հանրային ծառայությունների միասնական գրասենյակ՝ օտարերկրացիների հաշվառման համակարգում նույնականացման վերաբերյալ համապատասխան նշում կատարելու համար,
• այնուհետև կացության կարգավիճակ ունեցող օտարերկրացին կարող է մոտենալ նախընտրելի Բջջային կապի օպերատորի գրասենյակ (Ucom, Viva MTS, Team Telecom) և ձեռք բերել «ԵսԵմ» բջջային ID SIM քարտ։

Ուշադրություն
Գրասենյակ կարող են չայցելել 2024թ. օգոստոսի 23-ից հետո workpermit.am հարթակի միջոցով անձամբ կացության քարտ կամ ՀՀ-ում բնակության օրինականությունը հավաստող տեղեկանքի քարտ ստացած օտարերկրացիները, ովքեր ստացել են էլեկտրոնային նամակ («ԵսԵմ» բջջային ID SIM քարտ ստանալու հնարավորության վերաբերյալ)։

«ԵսԵմ» բջջային ID SIM քարտ ստանալու համար անհրաժեշտ է ներկայացնել ստորև նշված փաստաթղթերը՝

• վավեր կացության փաստաթուղթ,
• անձը հաստատող փաստաթուղթ,
• հանրային ծառայությունների համարանիշ։

Անհրաժեշտ կլինի քարտի վերաթողարկման համար վճարել 500 դրամ։