Կառավարությունը հաստատել է աջակցության նոր ծրագիր՝ ըստ որի զինծառայողները և նրանց ընտանիքի անդամները կարող են ձեռք բերել բնակարան հիփոթեքային վարկավորման միջոցով։ Պետությունը ամբողջովին հոգում է ֆինանսական ծախսերը։

Ծրագիրն ընդգրկում է շուրջ 2,850 շահառուի: Նրանց թվում են․

• պայմանագրային զինծառայողները,
• զինվորական հաշմանդամություն ունեցող նախկին զինծառայողները,
• զոհված զինվորների ընտանիքի անդամները։

Շահառուները հնարավորություն ունեն ընտրելու իրենց ապագա բնակարանը։ Ձեռք բերված տունը հնարավոր չի լինի վաճառել կամ օտարել առաջիկա 10 տարիների ընթացքում։

ՀՀ զինծառայողների և նրանց ընտանիքների համար նախատեսված բնակարանային, ֆինանսական և բժշկական աջակցության ծրագրերը ներկայացված են «Ի՞նչ աջակցություն է տրամադրվում զինծառայողներին և նրան ընտանիքի անդամներին» ուղեցույցում։