Այո՛, երկու դեպքում.

• եթե պայմանագրի կնքելուց հետո նվիրատուի ֆինանսական վիճակը, ընտանեկան կյանքը կամ առողջությունը կտրուկ վատթարացել է, և նվիրատվությունն ավարտելը կնշանակի կենսամակարդակի կտրուկ անկում,
• կամ եթե կա նվիրատվությունը վերացնելու հիմք (օրինակ, նվիրառուն վատ է վարվում նվիրած գույքի հետ)։

Այս դեպքերում նվիրառուն վնասի փոխհատուցում չի կարող պահանջել։

Այո՛, մինչև նվերը ստանալը նվիրառուն կարող է ցանկացած պահի հրաժարվել նվիրատվությունից։ Եթե նվիրատվության պայմանագիրը հաստատվել է նոտարի կողմից կամ ստացել է պետական գրանցում, ապա նվիրատվություն ընդունողը կարող է նույն գործարքների միջոցով հրաժարվել նվիրատվությունից։ 

Նվիրատուն կարող է դատարանի միջոցով պահանջել նվիրատվությունն անվավեր ճանաչել, եթե նվիրառուն.

• ոտնձգություն է կատարել նվիրատուի կամ նրա ընտանիքի անդամների կյանքի դեմ,
• դիտավորյալ մարմնական վնասվածք է պատճառել կամ զրկել է կյանքից (այս դեպքում հետ վերցնելու պահանջն ուղղվում է ժառանգներին),
• վատ է վերաբերվում նվիրատուի գույքին։

Եթե դատարանը ճանաչում է նվիրատվության վերացումը, նվիրառուն պարտավոր է վերադարձնել գույքը, եթե այն դեռ ամբողջությամբ պահպանվել է։

Ո՛չ, եթե պայմանագրում գրված է, որ գույքը նվիրատուի մահից հետո կանցնի նվիրառուին, այն առոչինչ է։ Եթե ուզում եք գույք նվիրաբերել մահից հետո, ապա այն ոչ թե նվիրատվություն է համարվում, այլ՝ կտակ։

Մինչև նվիրատվությունը նվիրառուի մահվան դեպքում նրա ժառանգները նվիրատվությունը ստանալու իրավունք չունեն, եթե պայմանագրում չի նշվել այդ մասին։ 

Նվիրաբերությունը ունի հանրօգուտ նպատակ։ Կարելի է նվիրաբերել․

• քաղաքացիներին, բժիշկներին, սոցիալական, գիտական, կրոնական և բարեգորական հաստատություններին,
• հիմնադրամներին, թանգարաններին, պետությանը ու համայքներին։