Ապրանքային նշանը տարբերանշան է, որը օգնում է տարբերել մեկ կազմակերպության ապրանքներն ու ծառայությունները մյուսներից։ Այն կարող է լինել`

• լոգո
• անվանում
• սլոգան
• երբեմն նաև գույնի կամ ձևի համադրություն

Գրանցման գործընթացը ներառում է մի քանի փուլ՝

• Նախնական որոնում՝ պարզելու համար, արդյոք նման նշան արդեն գրանցված է, թե ոչ։
• Հայտի ներկայացում։
• Փորձաքննություն՝ օրենքի պահանջներին համապատասխանության ստուգում։
• Գրանցում և վկայականի տրամադրում։

Այս գործընթացը կարող է տևել մի քանի ամիս։

Ապրանքային նշանի հայտ ներկայացնելու համար անհրաժեշտ է ներկայացնել հետևյալ տվյալները և փաստաթղթերը՝ 

• Հայտ
• Նշանի պատկերը 
• Ապրանքների և ծառայությունների ցանկը՝ ըստ Նիցցայի միջազգային դասակարգման (Nice Classification)
• Հայտատուի տվյալները (անուն, հասցե, իրավաբանական անձի դեպքում՝ կազմակերպչական ձև)
• Պետական տուրքի վճարման անդորրագիր
• Լիազորագիր, եթե հայտը ներկայացվում է ներկայացուցչի միջոցով:
• Տեղեկանք աշխատողների թվի վերաբերյալ։

Տուրքի չափը կախված է դասերի քանակից և աշխատողների թվից՝

• Ապրանքային նշանի հայտ ներկայացնելու համար՝ 30 000 դրամ
• Ապրանքային նշանի փորձաքննություն անցկացնելու համար՝ 40 000 դրամ 
• Մեկից ավելի յուրաքանչյուր դասի համար` լրացուցիչ՝ 15 000 դրամ
• Ապրանքային նշանի գրանցման համար՝ 50 000 դրամ

Ֆիզիկական անձինք և մինչև 25 աշխատող ունեցող իրավաբանական անձինք uահմանված պետական տուրքերը վճարում են 75% զեղչով, իuկ 25-ից 100 աշխատող ունեցող իրավաբանական անձինք` 50% զեղչով։

Ապրանքային նշանի վկայագիրը գործում է 10 տարի և կարող է երկարաձգվել յուրաքանչյուր անգամ ևս 10 տարով՝ իրավատիրոջ դիմումի հիման վրա:

Գյուտը կամ օգտակար մոդելը վերաբերում են տեխնիկական լուծումներին, որոնք ունեն նորույթ և կիրառելիություն։

Գյուտի օրինակներ են՝

• մեխանիզմ,
• սարք,
• տեխնոլոգիական լուծում կամ գործընթաց։

Գրանցումը համեմատաբար բարդ գործընթաց է և ներառում է՝

• Հայտի ներկայացում
• Մանրամասն տեխնիկական նկարագրություն
• Փորձաքննություն

Այս փուլում հաճախ օգտվում են մասնագետների օգնությունից։

Գյուտի հայտ ներկայացնելու համար անհրաժեշտ է ներկայացնել հետևյալ տվյալները և փաստաթղթերը՝ 

• Հայտ
• Գյուտի նկարագրությունը, հավակնության սահմանումը, ռեֆերատը, գծագրեր 
• Հայտատուի տվյալները (անուն, հասցե, իրավաբանական անձի դեպքում՝ կազմակերպչական ձև)
• Հեղինակի տվյալները (անուն, հասցե)
• Պետական տուրքի վճարման անդորրագիր
• Լիազորագիր, եթե հայտը ներկայացվում է ներկայացուցչի միջոցով:
• Տեղեկանք աշխատողների թվի վերաբերյալ, եթե կազմակերպությունն ունի համապատասխանաբար 25-ից կամ 100-ից պակաս աշխատող:

Գյուտի գրանցման համար անհրաժեշտ է վճարել պետական տուրք հետևյալ չափերով՝ 

• գյուտի արտոնագիր (կարճաժամկետ արտոնագիր) ստանալու հայտի, այդ թվում՝ ազգային փուլ փոխադրված միջազգային հայտի, գրանցման և նախնական փորձաքննության արդյունքներով որոշում կայացնելու համար՝ 20000 դրամ
• հավակնության սահմանման 5-ից ավելի կետերից յուրաքանչյուրի համար՝ 5000 դրամ
• գյուտի ըստ էության փորձաքննություն անցկացնելու և դրա արդյունքներով որոշում կայացնելու համար՝ 120000 դրամ
• գյուտի պետական գրանցման և արտոնագիր (կարճաժամկետ արտոնագիր) տալու համար՝  15000 դրամ

Ֆիզիկական անձինք և մինչև 25 աշխատող ունեցող իրավաբանական անձինք uահմանված պետական տուրքերը վճարում են 75% զեղչով, իuկ 25-ից 100 աշխատող ունեցող իրավաբանական անձինք` 50% զեղչով։

Գյուտի արտոնագիրը գործում է 20 տարի, իսկ կարճաժամկետ գյուտինը՝ 10 տարի։ Արտոնագրը ուժի մեջ պահելու համար անհրաժեշտ է ամեն տարի վճարել պահպանության տուրք:

Արդյունաբերական դիզայնը պաշտպանում է արտադրանքի արտաքին տեսքը, ոչ թե դրա գործառույթը։ 

Արդյունաբերական դիզայնի օրինակ է՝

• ապրանքի ձևը
• փաթեթավորման դիզայնը
• դեկորատիվ տարրերը

Արդյունաբերական դիզայնի գրանցման գործընթացը ներառում է մի քանի փուլ՝

• Հայտի ներկայացում
• Փորձաքննություն՝ օրենքի պահանջներին համապատասխանության ստուգում
• Գրանցում և վկայականի տրամադրում

Այս գործընթացը կարող է տևել մի քանի ամիս։

Արդյունաբերակն դիզայնի հայտ ներկայացնելու համար անհրաժեշտ է ներկայացնել հետևյալ տվյալները և փաստաթղթերը՝ 

• Հայտ,
• Արդյունաբերական դիզայնի պատկերները
• Հայտատուի տվյալները (անուն, հասցե, իրավաբանական անձի դեպքում՝ կազմակերպչական ձև)
• Հեղինակի տվյալները (անուն, հասցե)
• Պետական տուրքի վճարման անդորրագիր
• Լիազորագիր, եթե հայտը ներկայացվում է ներկայացուցչի միջոցով:
• Տեղեկանք աշխատողների թվի վերաբերյալ։

Արդյունաբերական դիզայնի հայտ ներկայացնելու, փորձաքննություն անցկացնելու, գործավարության ընթացքում այլ գործողություններ կատարելու, ինչպես նաև արտոնագրի գործողությունը հերթական ժամկետով երկարաձգելու համար գանձվում են պետական տուրքեր՝

• արդյունաբերական դիզայնի արտոնագիր տալու հայտը գրանցելու, հայտի նախնական փորձաքննություն անցկացնելու և դրա արդյունքներով որոշում կայացնելու համար – 20,000 դրամ
• հայտում ներառված մեկից ավելի յուրաքանչյուր արդյունաբերական դիզայնի համար՝ լրացուցիչ – 8,000 դրամ
• արդյունաբերական դիզայնի հայտի ըստ էության փորձաքննության անցկացման և դրա արդյունքներով որոշում կայացնելու համար -30,000 դրամ
• հայտում ներառված մեկից ավելի յուրաքանչյուր արդյունաբերական դիզայնի համար՝ լրացուցիչ – 20,000 դրամ
• արդյունաբերական դիզայնի պետական գրանցման և արտոնագիր տալու համար – 15,000 դրամ

Ֆիզիկական անձինք և մինչև 25 աշխատող ունեցող իրավաբանական անձինք uահմանված պետական տուրքերը վճարում են 75% զեղչով, իuկ 25-ից 100 աշխատող ունեցող իրավաբանական անձինք` 50% զեղչով։

Արդյունաբերական դիզայնի արտոնագիրը գործում է 5 տարի և կարող է երկարաձգվել յուրաքանչյուր անգամ ևս 5 տարով՝ առավելագույնը մինչև 25 տարի՝ պահպանության տարեկան տուրքի վճարմամբ։

Հեղինակային իրավունքի տեսակներն են՝ 

• Գրական ստեղծագործություններ
• Երաժշտություն
• Նկարներ, դիզայն
• Տեսանյութեր
• Ծրագրային կոդ

Հեղինակային իրավունքի գրանցման համար անհրաժեշտ է՝

• ստեղծագործությունն ամբողջացնել,
• հավաքել անհրաժեշտ փաստաթղթերը,
• դիմել մտավոր սեփականության գրասենյակ,
• վճարել պետական տուրք։