Այց ամրագրելիս անհրաժեշտ է նշել այն անձի տվյալները, ով անձամբ ներկայանալու է ընդունելության։

• ընտրել այն երկրի դեսպանության կայքը, որտեղ ներկայացվելու է դիմումը,
• էջի ձախ հատվածում սեղմել «Ամրագրել ժամադրություն» կոճակը,
• բացվող պատուհանում ընտրել «Անձնագրի տրամադրում (փոխանակում)» տարբերակը,
• ընտրել հասանելի օրերից և ժամերից ամենահարմար տարբերակը,
• բացվող էջում լրացնել անձնական տվյալները և հաստատել ամրագրումը։

Պահանջվող փաստաթղթերը

ՀՀ քաղաքացիության մասին տեղեկանք ստանալու համար պահանջվող փաստաթղթերի ցանկը կարող է տարբերվել՝ պայմանավորված անձի՝ նախկին ՀԽՍՀ քաղաքացի լինելով կամ չլինելով:

1981թ․ նոյեմբերի 28-ից հետո ծնված (նախկին ՀԽՍՀ քաղաքացի չհանդիսացող) անձինք պետք է ներկայացնեն՝

• դիմում,
• ծննդյան վկայական,
• ծնողների ամուսնության վկայականի պատճենը,
• ծնողների անձը հաստատող փաստաթղթերի պատճենները։

Մինչև 1981թ․ նոյեմբերի 28-ը ծնված (նախկին ՀԽՍՀ քաղաքացի) անձինք պետք է ներկայացնեն՝ 

• դիմում,
• ծննդյան վկայական,
• նախկին ՀԽՍՀ քաղաքացու անձնագիր, եթե առկա է, իսկ կորստյան դեպքում՝ դրա վերաբերյալ տվյալներ (անձնագրի սերիա կամ համար, տրամադրող անձնագրային բաժինը, տրամադրման ամսաթիվը),
• ՀՀ-ում բնակության և այլ երկրի քաղաքացիություն ձեռք բերելու տարեթվերը։

Ուշադրություն
Փաստաթղթերը ներկայացնելու անհնարինության դեպքում անհրաժեշտ է ներկայացնել մանրամասն դիմում՝ պահանջվող տեղեկատվության նկարագրությամբ։

Օտարերկրյա քաղաքացիները պետք է ներկայացնեն՝

• անձը հաստատող փաստաթուղթ։

Եթե անձը դիմում է լիազորված անձի միջոցով, ապա անհրաժեշտ է ներկայացնել նաև՝

• լիազորագիր (նոտարական վավերացում չի պահանջվում),
• լիազորողի և լիազորված անձի անձնագրերի պատճենները։

Վճարման չափը և կարգը

Քաղաքացիության մասին տեղեկանք ստանալու համար անհրաժեշտ է վճարել 25,000 դրամ։ 

Տրամադրման ժամկետը և կարգը

Տեղեկանքը տրամադրվում է դիմումը ներկայացնելուց հետո 20 օրվա ընթացքում։ Այն ստանալու համար անհրաժեշտ է այցելել համապատասխան դեսպանություն կամ հյուպատոսական հիմնարկ։

Տեղեկանքի իսկությունը հնարավոր է ստուգել առցանց՝ մուտքագրելով տեղեկանքում նշված հատուկ համարանիշը։