ՀՀ-ում հարկային հաշվետվությունները ներկայացվում են բացառապես էլեկտրոնային եղանակով։ 

Հարկային հաշվետվությունները ներկայացնելու համար Ձեզ անհրաժեշտ են՝ 

• թվային ստորագրություն,
• նույնականացման քարտ, 
• նույնականացման քարտ կարդացող սարք։

Դիմելու համար անհրաժեշտ է՝

• այցելել հարկային մարմնի հաշվետվությունների ներկայացման էլեկտրոնային համակարգ,

• գրանցվել կամ մուտք գործել անձնական էջ,

• ընտրել «Հաշվետվություններ» բաժինը,

• ընտրել հաշվետվության ձևը և լրացնել այն՝ առաջարկվող ցանկերից ընտրելով անհրաժեշտ հաշվետու տարին և հաշվետու ժամանակաշրջանը,

• լրացնել պահանջվող տվյալները, և հաշվետվությունը կհայտնվի «Անավարտ հաշվետվություններ» բաժնում, որը անհրաժեշտ դեպքերում այն խմբագրելու հնարավորություն է տալիս,  

• ավարտելուց հետո սեղմել «Գրանցել» կոճակը, և հաշվետվությունը կհայտնվի «Լրացված հաշվետվություններ» բաժնում,

• ներբեռնել լրացված հաշվետվությունը, ստորագրել այն թվային ստորագրությամբ,

• նորից բեռնել և հանձնել։   

Ուշադրություն

Համակարգից օգտվելիս դժվարություններ առաջանալու դեպքում անհրաժեշտ է սեղմել էջի ներքևում գտնվող «Ինչպե՞ս օգտվել համակարգից» կոճակը։