Ստանալ աջակցություն ՀՀ վերադառնալու դեպքում

BETA

This site is new, your feedback will help us improve it.

Support program

Սփյուռք

Ստանալ աջակցություն ՀՀ վերադառնալու դեպքում

ՀՀ վերադարձող քաղաքացիների վերաինտեգրմանն ուղղված աջակցության ծրագրի նպատակն է օգնել Հայաստան վերադարձող ՀՀ քաղաքացիներին անհրաժեշտ տեղեկատվությամբ և կացարանով։

This service is only available offline, we are working on an online version

Who can apply?

ՀՀ քաղաքացիներ

Processing duration

մինչև 8 աշխատանքային օր

Աջակցություն ստանալու նպատակով ՀՀ վերադարձած քաղաքացին (ընտանիքի առկայության դեպքում՝ ընտանիքի չափահաս անդամներից որևէ մեկը) դիմումը և անհրաժեշտ փաստաթղթերը պետք է ներկայացնի ՀՀ ներքին գործերի նախարարության միգրացիայի և քաղաքացիության ծառայություն (հասցե՝ ք․ Երևան, Թաիրով 14)։

Ծրագրի մասին

Ծրագիրը բաղկացած է 2 բաղադրիչից։ Առաջին բաղադրիչի շրջանակներում տրամադրվում է տեղեկատվական աջակցություն և կարիքներին համապատասխան ուղղորդում, իսկ երկրորդ բաղադրիչի շրջանակներում՝ կացարանով ապահովում։

Ծրագրի առաջին բաղադրիչը վերաբերում է հավասարապես հարկադիր և կամավոր վերադարձող ՀՀ քաղաքացիներին։ Իսկ երկրորդ բաղադրիչը հիմնականում նախատեսված է հարկադիր կերպով վերադարձող ՀՀ քաղաքացիների համար, այդ թվում՝

օտարերկրյա պետություններից արտաքսված կամ վտարված ՀՀ քաղաքացիները,
հետընդունման (ռեադմիսիոն) համաձայնագրերի շրջանակներում վերադարձողները։

Ներկայացվող պահանջները

Կացարան ստանալու աջակցությունից (երկրորդ բաղադրիչ) կարող են օգտվել առնվազն 1 տարի արտերկրում բնակվելուց հետո ՀՀ հարկադիր կերպով վերադարձած այն քաղաքացիները, ովքեր վերադարձից հետո առավելագույնը 3 ամսվա ընթացքում դիմում են ծրագրին՝ աջակցություն ստանալու նպատակով և ՀՀ-ում չունեն սեփականության իրավունքով բնակելի տարածություն:

Ծրագրի շրջանակներում երկրորդ բաղադրիչի համար աջակցություն ստանալու հարցում կարող են դիմել կամավոր վերադարձած այն ՀՀ քաղաքացիները, որոնք համապատասխանում են նախորդ պարբերությունում ներկայացված պահանջներին և միևնույն ժամանակ պատկանում են հետևյալ խոցելի խմբերից առնվազն մեկին՝

բազմազավակ ընտանիք (4 և ավելի երեխաներ ունեցող),
հաշմանդամություն ունեցող անձինք։

Պահանջվող փաստաթղթեր

Աջակցություն ստանալու համար անհրաժեշտ է ներկայացնել հետևյալ փաստաթղթերը․

դիմում,
դիմողի և նրա ընտանիքի անդամների անձը հաստատող փաստաթղթեր (առկայության դեպքում),
վերադարձի վկայական,
դատարանի կամ վարչական մարմնի կողմից արտաքսման կամ վտարման վերաբերյալ որոշումները,
լրացուցիչ փաստաթղթեր, որոնցով հնարավոր է տեղեկություններ ստանալ արտերկրում գտնվելու և ՀՀ վերադարձի ժամկետների, հաշմանդամության կարգ ունենալու, բազմազավակ լինելու մասին և այլն։

Տրամադրման կարգը և ժամկետը

3 աշխատանքային օրվա ընթացքում ծառայության աշխատակիցը փաստաթղթերի հիման վրա վեր է հանում բնակչության սոցիալական պաշտպանության կամ կացարանով ապահովման հաստատություններում տեղավորվելու խնդիր ունեցող անձանց կարիքները,
հաջորդող 2 աշխատանքային օրվա ընթացքում կազմում է դիմողի անձնական գործը՝ կցելով նրա կարգավիճակը հավաստող առկա բոլոր փաստաթղթերը:
Դիմողի անձնական գործը կազմելուց հետո 3-օրյա ժամկետում անձն ուղղորդվում է համապատասխան հաստատություն:

Հղում օրենսդրությանը

ՀՀ Կառավարության՝ 2020 թվականի մարտի 19-ի N 336-Լ որոշում

Որոշումը հնարավոր է գտնել arlis.am-ում։

Տեխնիկական աջակցության համար՝

Աշխատանքային ժամեր`

Երկ-ուրբ ՝ 10:00 - 18:00

Հեռախոսահամար`
0-8000-2020

(+374) 010 58-59-80

Ծառայության գծով աջակցության համար՝

Աշխատանքային ժամեր` 9:00 - 18:00

Հեռախոսահամար`
+374 10 54-69-14
+374 10 54-69-12

Service provided by

ՀՀ ներքին գործերի նախարարություն

https://mia.gov.am/