Անվճար երթևեկության վկայական ստանալու համար անհրաժեշտ է դիմել ՀՀ տարածքային կառավարման և ենթակառուցվածքների նախարարություն՝ ներկայացնելով պահանջվող փաստաթղթերը։

Պահանջները, որոնց անհրաժեշտ է բավարարել

Անվճար երթևեկության վկայական ստանալու համար անհրաժեշտ է բավարարել մի շարք պարտադիր պահանջների՝

• լինել նախկին ԽՍՀՄ, սոցիալիստական աշխատանքի, Հայաստանի ազգային հերոս,
• լինել Մարտական խաչի 1-ին և 2-րդ աստիճանի և «Փառքի» 3 աստիճանի շքանշաններով պարգևատրված,
• լինել Հայրենական մեծ պատերազմի տարիներին թիկունքում անձնազոհ աշխատանքի համար նախկին ԽՍՀՄ շքանշաններով և մեդալներով պարգևատրված,
• ապրել ծերանոցներում, մանկատներում՝ գտնվելով պետական լրիվ խնամքի տակ,
• լինել 5 և ավելի երեխայի ծնող,
• լինել 1-ին և 2-րդ խմբի հաշմանդամ,
• լինել բռնադատված։

Պահանջվող փաստաթղթերը

Անվճար երթևեկության վկայական ստանալու համար անհրաժեշտ է ներկայացնել հետևյալ փաստաթղթերը․

• բռնադատվածները` բռնադատվածի վկայական,

• հաշմանդամություն ունեցողները՝ կարգը հաստատող փաստաթուղթ,

• կոչում ստացած անձինք՝ կոչումը հավաստող փաստաթուղթ։

Տրամադրման ժամկետը և կարգը

ՀՀ տարածքային կառավարման և ենթակառուցվածքների նախարարության լիցենզիաների և թույլտվությունների վարչությունն իրականացնում է ներկայացված փաստաթղթերի ուսումնասիրություն, անհրաժեշտության դեպքում՝ դիմողին տրամադրում է խորհրդատվություն՝ փաստաթղթերի ամբողջականության վերաբերյալ, որից հետո տրամադրում է վկայականը՝ անհրաժեշտ բոլոր գործընթացների իրականացումից հետո՝ մինչև 3 աշխատանքային օրվա ընթացքում։

Հղում օրենսդրությանը

ՀՀ կառավարության՝ 1997 թվականի հուլիսի 8-ի N 251 որոշում։

Որոշումը հնարավոր է գտնել arlis.am-ում։