Գլխուղեղի կաթվածների բուժում ստանալու համար անհրաժեշտ է կանչել շտապօգնություն կամ ինքնուրույն հիվանդին տեղափոխել հետևյալ 6 բժշկական հաստատություններից որևէ մեկը․ 

Երևանում`

• «Սուրբ Գրիգոր Լուսավորիչ» ԲԿ (Երևան, Նոր Նորքի 3-րդ զանգված, Գյուրջյան փողոց, 10 շենք, հեռախոսահամար՝ +374 11 60 00 03),

• «Էրեբունի» ԲԿ (Երևան, Տիտոգրադյան 14, հեռախոսահամար՝ 347 10 47 11 00),

•  Հերացի թիվ 1 հիվանդանոցային համալիր (Երևան, Աբովյան փողոց, 60 շենք, շինություն 1, հեռախոսահամար՝ 374 10 58 22 44),

• «Աստղիկ» ԲԿ (Երևան, Դանիել Վարուժանի 28ա, հեռախոսահամար՝ +374 11 66 77 88)։

 
Մարզերում`

• «Գյումրու» ԲԿ (Գյումրի, Գարեգին Նժդեհի փողոց 3/3, հեռախոսահամար՝ +374 0312 3 03 11),

• «Վանաձորի» ԲԿ (Վանաձոր, Գարեգին Նժդեհի փողոց, 2/42 շենք, հեռախոսահամար՝ +374 322 24 44 5)։

Ներկայացվող պահանջները

Այս ծառայությունից օգտվելու հիմք է համարվում հիվանդի մոտ գլխուղեղի սուր կամ ենթասուր իշեմիկ կաթված ախտորոշման առկայությունը` կաթվածի ախտանշանների ի հայտ գալու պահից 0-24 ժամվա ընթացքում` ներառյալ տեղափոխման ժամանակահատվածը:

Պահանջվող փաստաթղթերը

Ծառայությունից օգտվելու համար անհրաժեշտ է ներկայացնել հիվանդի անձնագիրը կամ նույնականացման քարտը (բացակայության դեպքում պետք է ներկայացնել 72 ժամվա ընթացքում):

Աջակցության չափը 

Երևան քաղաքում և ՀՀ մարզերում կարող է իրականացվել անվճար կամ տարբեր համավճարային գներով։ 

Տրամադրման ժամկետը և արժեքը

Ծառայությունը տրամադրվում է անհապաղ։