Իրավականական անձի վերաբերյալ քաղվածք ստանալու համար անհրաժեշտ է պահանջվող փաստաթղթերով դիմել ՀՀ արդարադատության նախարարության իրավաբանական անձանց պետական ռեգիստրի գործակալության տարածքային սպասարկման գրասենյակներ։

Ներկայացվող պահանջները 

Դիմել կարող են իրավաբանական անձի գործադիր մարմնի ղեկավարը, անհատ ձեռնարկատերը և իրավաբանական անձը կամ վերջիններիս կողմից լիազորված անձ։ 

Պահանջվող փաստաթղթերը

Քաղվածք ստանալու համար անհրաժեշտ է ներկայացնել․

• դիմում,
  
• անձնագիր կամ նույնականացման քարտ,
  
• պետական տուրքի վճարման անդորրագիր,
  
• լիազորագիր (լիազորված անձի դեպքում)։

Վճարման չափը և կարգը

Քաղվածքը հնարավոր է ստանալ թե՛ անվճար, թե՛ վճարովի տարբերակներով։ Վճարովի ծառայության համար անհրաժեշտ է վճարել 3,000 ՀՀ դրամ պետական տուրք։

Վճարումն իրականացվում է հետևյալ եղանակներից մեկով՝

• E-payments համակարգի միջոցով,
• բանկային փոխանցման միջոցով ՀՀ պետական բյուջեի հաշվեհամարին՝ 900005016499։ Նպատակ՝ «Իրավաբանական անձանց պետական միասնական և պետական գրանցամատյաններից մեկ սուբյեկտի վերաբերյալ պետական ռեգիստրում պահվող և ինտերնետային կայքում տեղադրված ամբողջական տեղեկությունների, ինչպես նաև իրավաբանական անձանց կանոնադրությունների պատճենների տրամադրման համար»։
• Եթե բանկային հավելվածում չի ստացվում փոխանցում կատարել այս հաշվեհամարին, ապա խնդրում ենք ընտրել «Փոխանցում պետական բյուջե» տարբերակը։
  
  

Տրամադրման ժամկետը և կարգը

• Անվճար ծառայության դեպքում քաղվածքը տրամադրվում է դիմումից հետո մինչև 5 աշխատանքային օրվա ընթացքում։ 
• Վճարովի ծառայության դեպքում քաղվածքը տրամադրվում է նույն աշխատանքային օրվա ընթացքում։

Հղում օրենսդրությանը

• «Իրավաբանական անձանց պետական գրանցման, իրավաբանական անձանց առանձնացված ատորաբաժանումների, հիմնարկների և անհատ ձեռնարկատերերի պետական հաշվառման մասին» ՀՀ օրենք
• «Պետական տուրքի մասին» ՀՀ օրենք

Իրավական ակտերը հնարավոր է գտնել arlis.am-ում։