Ստանալ ուռուցքային հիվանդության բուժում

BETA

This site is new, your feedback will help us improve it.

Support program

Health

Ստանալ ուռուցքային հիվանդության բուժում

Ծրագրի շրջանակում բժշկական ցուցման առկայության դեպքում բոլոր պացիենտներին ուռուցքային հիվանդության բուժման համար տրամադրվում է Մվասի (Բևացիզումաբ) դեղորայք։

This service is only available offline, we are working on an online version

Who can apply?

ՀՀ քաղաքացիներ

Filiing duration

30-45 րոպե

Ուռուցքային հիվանդության բուժումն իրականացնելու համար պետք է դիմել «Վ. Ա. Ֆանարջյանի անվան ուռուցքաբանության ազգային կենտրոն»:

Ներկայացվող պահանջները

Բժշկական ցուցման դեպքում ծրագրին կարող են դիմել բոլորը՝ անկախ սոցիալական կամ հատուկ խմբերում ընդգրկվածությունից։ Պարտադիր է հետևյալ պայմաններից որևէ մեկի առկայությունը․

մետաստատիկ կոլոռեկտալ քաղցկեղ՝ ֆտորպիրիմիդինների ածանցյալների հետ զուգակցված,
ոչ մանրբջջային և ոչ տափակբջջային թոքի քաղցկեղ՝ տեղային տարածված (ոչ վիրահատելի), ռեցիդիվող և մետաստատիկ փուլերում՝ որպես 1-ին գծի թերապիա զուգակցված քիմիա և իմունաթերապիայի հետ,
տեղային տարածված կամ մետաստատիկ երիկամաբջջային քաղցկեղ՝ որպես մոնոթերապիա,
գլխուղեղի չարորակ նորագոյացություններ, մասնավորապես WHO grade 3 և 4 աստրոցիտոմաների և գլիոբլաստոմաների ժամանակ՝ որպես մոնոթերապիա կամ համակցված քիմիապրեպարատների հետ,
ձվարանների, արգանդափողերի և որովայնամզի (պերիտոնիտ) առաջնային քաղցկեղներ,
4-րդ փուլի արգանդի վզիկի քաղցկեղ՝ համակցված քիմիապրեպարատների հետ,
հեպատոցելյուլյար կարցինոմա՝ տեղային տարածված և մետաստատիկ փուլերում՝ որպես 1-ին գծի թերապիա՝ համակցված իմունաթերապիայի հետ:

Պահանջվող փաստաթղթերը

Ուռուցքային հիվանդության բուժումն իրականացնելու համար պետք է ներկայացնել․

պացիենտի հիվանության պատմությունը՝ էպիկրիզը (էպիկրիզում պարտադիր պետք է լինեն հիվանդության փուլերի մասին տվյալները),
պացիենտի անձնագիրը կամ նույնականացման քարտը,
կոնտակտային տվյալներ:

Եթե կլինիկական փուլը համապատասխանում է բուժումը ստանալու պայմաններին, կարող են պահանջվել նաև՝

հիվանդության պատմության և բժշկական զննության նկարագիրը,
համակարգչային շերտագրություն (ռուսերեն հայտնի է КТ անվանումը ), անհրաժեշտության դեպքում՝ մագնիսառեզոնանսային շերտագրությունը (անգլերեն հայտնի է MRT անվանումը) և/կամ պոզիտրոն էմիսիոն տոմոգրաֆիայի՝ ՊԷՏ-ի և կոմպյուտերային տոմագրոֆիայի՝ ԿՏ-ի հետազոտության տվյալները,
ուռուցքի պաթոհյուսվածաբանական տվյալները,
ուռուցքի իմունահիստոքիմիական տվյալները՝ ըստ անհրաժեշտության:

Ուղեկցող հիվանդությունների առկայության դեպքում տվյալ հիվանդության կարգավիճակը ճիշտ գնահատելու, դեղի հնարավոր կողմնակի ազդեցությունները կանխելու և/կամ վերահսկելու նպատակով իրականացվում են լրացուցիչ հետազոտություններ.

արյան ընդհանուր քննություն,
նյութափոխանակության համապարփակ հետազոտություն՝ այդ թվում լյարդի և երիկամների ֆունկցիոնալ թեստեր:

Աջակցության չափը

Ծրագրի շրջանակում ըստ բժշկական ցուցումների` անկախ սոցիալական կամ հատուկ խմբերի ցանկում ընդգրկվածությունից բոլոր պացիենտներին տրամադրվում է Մվասի (Բևացիզումաբ) լուծույթ ներերակային 25մգ/մլ 16մլ և Մվասի (Բևացիզումաբ) լուծույթ ներերակային 25մգ/մլ 4մլ դեղեր։

Տրամադրման կարգը և ժամկետները

Ծառայության տրամադրման ժամկետները սահմանվում են վերը նշված բժշկական հաստատության կողմից։

Հղում օրենսդրությանը

ՀՀ Առողջապահության նախարարի 2024 թվականի մարտի 6-ի N 1227-L հրաման

Հրամանը հնարավոր է գտնել ՀՀ Առողջապահության նախարարության moh.am կայքում։

ՀՀ ԱՆ թեժ գիծ

8003

Տեղեկատու՝

(+374) 060 80-80-03

Service provided by

ՀՀ առողջապահության նախարարություն

[email protected]https://www.moh.am