Ծրագրի նպատակը կյանքի դժվարին իրավիճակում հայտնված երեխայի խնամքի և դաստիարակության ապահովումն է ընտանիքում: 

Ծրագիրն իրականացվում է ՀՀ Լոռու և Շիրակի մարզերում, հասարակական կազմակերպության կողմից` ՀՀ պետական բյուջեի ֆինանսավորմամբ: 

Դիմելու համար անհրաժեշտ է՝

• բավարարել օրենքով սահմանված պահանջներին,
• անձամբ կամ ներկայացուցչի միջոցով, դիմել բնակության վայրի՝ ՀՀ մարզպետարան կամ
• դիմել ծրագիրն իրականացնող կազմակերպությանը, որը կներկայացնի դիմումն իր կողմից։

Ծրագրին մասնակցելու համար անհրաժեշտ է լինել․

• ՀՀ կառավարության որոշմամբ հաստատված ցանկերի հաստատություններում խնամվող երեխա կամ նրա ընտանիքի անդամ,

• կյանքի դժվարին իրավիճակում հայտնված ընտանիքի երեխա, ում ծնողները (կամ միակ ծնողը կամ օրինական ներկայացուցիչը) դիմել են երեխային հաստատություն տեղավորելու համար,

• երեխա, ով հաստատությունից վերադարձել է ընտանիք և անհատական սոցիալական ծրագրի մոնիթորինգի արդյունքների համաձայն կարիք ունի ստանալու սոցիալ-հոգեբանական վերականգնման ծառայություններ, որոնց մատուցման տևողությունը մինչև 12 ամիս է:

Պահանջվող փաստաթղթերը

• Հաստատությունում խնամվող երեխայի տվյալները փոխանցվում են հաստատությունից, ուստի փաստաթղթերի ցանկի անհրաժեշտություն դիմողից չկա:
• Ընտանիքում գտնվող երեխաների դեպքում անհրաժեշտ է ներկայացնել միայն դիմումը։
  
  

Հղում օրենսդրությանը

ՀՀ կառավարության 2014 թվականի հուլիսի 17-ի N 743-Ն որոշում։
Որոշումը հնարավոր է գտնել arlis.am-ում։