Ծրագրին մասնակցելու համար անհրաժեշտ է դիմել «Մուրացան» համալսարանական հիվանդանոցային համալիր (0-18 տարիքային խումբ) և համապատասխան առողջության առաջնային պահպանման ծառայություններ մատուցող բժշկական կազմակերպություն (0-22 տարիքային խումբ):

Աջակցության չափը

Ծրագրի շրջանակում ՀՀ-ում հաշվառված 0-22 տարիքային խմբի պացիենտներին ըստ պահանջարկի անվճար տրամադրվում են ինսուլինային անալոգներ` ուլտրակարճատև ազդեցության «Ինսուլին Հումալոգ 100ՄՄ/մլ 3մլ» և երկարատև ազդեցության «Ինսուլին Աբասագլար 100ՄՄ/մլ 3մլ» դեղեր, ինսուլինային գրիչ-ներակիչներ, իսկ 0-18 տարիքային խմբի պացիենտներին վերոնշյալ դեղերի և ինսուլինային գրիչ-ներակիչների հետ միաժամանակ տրամադրվում են արյան մեջ գլյուկոզայի քանակը չափող սարքեր և նշված սարքերի թեսթ-երիզներ (յուրաքանչյուր պացիենտին ամսական կտրվածքով 2 տուփ)։

Ներկայացվող պահանջները

Ծրագրի շահառու կարող են դառնալ 0-22 տարեկան ինսուլինակախյալ պացիենտները:

Պահանջվող փաստաթղթերը

Աջակցություն ստանալու համար անհրաժեշտ է  բժշկական հաստատություն ներկայացնել․

• անձնագիր կամ նույնականացման քարտ,
• բժշկական հետազոտության արդյունքները։