This site is new, your feedback will help us improve it.
Անցնել մշտական հյուպատոսական հաշվառում 183 օրվանից ավել արտասահմանում գտնվելու դեպքում
ՀՀ-ից մեկնող կամ ՀՀ տարածքից դուրս գտնվող քաղաքացիները կարող են հյուպատոսական հաշվառում անցնելու միջոցով իրենց անձնական տվյալները կամավոր կերպով հայտնել ՀՀ արտաքին գործերի նախարարությանը:
Հյուպատոսական հաշվառումն իրականացվում է ՀՀ քաղաքացիների իրավունքների պաշտպանությունն ապահովելու, քաղաքացիական պարտականությունները հեշտացնելու և բնակչության պետական ռեգիստրում մշտական բնակության միայն մեկ վայրի հասցեով հաշվառելու նպատակով։
Հյուպատոսական հաշվառում կարող են անցնել ՀՀ բոլոր քաղաքացիները՝ անկախ տարիքից։ Մինչև 16 տարեկան քաղաքացիների դեպքում դիմումը պետք է ներկայացնի երեխայի ծնողը, որդեգրողը, խնամակալը կամ հոգաբարձուն, իսկ անգործունակ քաղաքացիների դեպքում՝ անձի խնամակալը (այս դեպքում անձը հաշվառվում է խնամակալի հյուպատոսական հաշվառման հասցեով)։
Մշտական (183 օրից ավելի ժամկետով) հյուպատոսական հաշվառում անցնելու դեպքում ՀՀ քաղաքացին բնակչության պետական ռեգիստրում ավտոմատ կերպով հանվում է ՀՀ-ում իր հաշվառման հասցեից և հաշվառվում է օտարերկրյա պետությունում իր մշտական բնակության հասցեով։ Օտարերկրյա պետության բնակության հասցեով հաշվառված լինելը որևէ կերպ չի ազդում անձի սեփականության իրավունքի վրա։
Առցանց դիմելու համար անհրաժեշտ է՝
- նույնականացումից հետո «Դիմորդի էջ»-ում լրացնել պահանջվող տվյալները (անունն ու ազգանունն անհրաժեշտ է լրացնել հայատառ, ինչպես գրված է անձնագրում) և սեղմել «Հաջորդ էջ» կոճակը,
- բացվող էջի «Հայտատու» բաժնում լրացնել պահանջվող տեղեկատվությունը,
- հաջորդ էջի «Հասցե» բաժնում լրացնել ՀՀ-ում հաշվառման տվյալները,
- բացվող էջի մյուս «Հասցե» բաժնում մուտքագրել տարերկրյա պետությունում բնակության հասցեն,
- «Կից նյութեր» բաժնում ավելացնել անհրաժեշտ փաստաթղթերի լուսապատճենները և ավարտել դիմումի գրանցումը։
Պահանջվող փաստաթղթերը
Անհրաժեշտ է ներկայացնել հետևյալ փաստաթղթերը՝
- դիմում,
- ՀՀ քաղաքացու անձնագրի կամ նույնականացման քարտի լուսապատճենը,
- մինչև 16 տարեկան անձանց դեպքում՝ ՀՀ քաղաքացու անձնագրի կամ ծննդյան վկայականի լուսապատճենը,
- զինապարտների դեպքում (18-55 տարեկան տղամարդիկ) կցագրման վկայականի կամ զինգրքույկի լուսապատճենը կամ զինվորական հաշվառումը հավաստող տեղեկանքի լուսապատճենը,
- օտարերկրյա պետությունում օրինական հիմքով բնակվելու փաստաթղթի լուսապատճենը (անձնագիր, կացության քարտ)։
Ներկայացված անձնական տվյալների (երկիր, քաղաք, էլ-փոստ, հեռախոս) միջոցով նախարարությունը արտակարգ իրավիճակում կապվում է քաղաքացիների հետ, կարևոր տեղեկություններ հաղորդում, ինչպես նաև տրամարդում անվտանգության վերաբերյալ խորհրդատվություն։
Ուշադրություն
Հյուպատոսական հաշվառման կանգնելու ժամանակ ներկայացվող տվյալները պաշտպանված են օրենքով և կարող են օգտագործվել միայն ՀՀ օրենսդրությամբ սահմանված դեպքերում և կարգով։
Վճարման չափը
Հյուպատոսական հաշվառումն իրականացվում է անվճար։
Տրամադրման ժամկետը
Մշտական հյուպատոսական հաշվառումն իրականացվում է 3-7 աշխատանքային օրվա ընթացքում։
Հղում օրենսդրությանը
«Հյուպատոսական ծառայության մասին» ՀՀ օրենք
«Բնակչության պետական ռեգիստրի մասին» ՀՀ օրենք
2016 թվականի սեպտեմբերի 29-ի N 1000-Ն ՀՀ կառավարության որոշում
Իրավական ակտերը հնարավոր է գտնել arlis.am-ում։ հնարավոր է գտնել arlis.am-ում։
(+374) 010 58-59-80
(+374) 055 62-01-11
Using different methods might take more time or cost more money.
(+374) 010 58-59-80
(+374) 055 62-01-11